* تفسير خزائن العرفان لولئ! * د تفسير صراط الـجنان خو اَلْحَمْدُ لِلّٰہ! موبائل ايپلي کيشن هم موجود دے، هغه پۀ خپل موبائل کښې انسټال کړئ! د دې نه فائده واخلئ! پۀ مَدَني چينل باندې د قرآنِ کريم د دَرس پروګرامونه ګورئ! اِنْ شَآءَ اللہُ الْکَرِیم! د قرآنِ پاک نُور او فيضان به مو نصيب شي۔ الله پاک دې د عمل کولو توفيق راعطا کړي۔

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

 د دې نه پس الله پاک فرمائي:

وَ  اِنْ  كَانُوْا  مِنْ  قَبْلُ  لَفِیْ  ضَلٰلٍ  مُّبِیْنٍ(۱۶۴)    ^{(پارہ:4، سورۀ آلِ عمران:164)}

ترجمهٴ کنزُ العِرفان: اګر چې دا خلق د دې نه مخکښې يقيناً پۀ ښکاره ګمراهۍ کښې پراته وو۔

پۀ دې کښې هم د رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم نعت مبارک دے، اعلیٰ حضرت رَحْمَةُ اللهِ عَلَيْه دا داسې بيان کړے دے:

سب چمک والے اُجلوں میں چمکا کیے                        اندھے شیشوں میں چمکا ہمارا نبی^([1])

د اعلیٰ حضرت رَحْمَةُ اللهِ عَلَيْه خليفه، مولانا ظفر الدِّين بهاري رَحْمَةُ اللهِ عَلَيْه د دې شعر پۀ وضاحت کولو فرمائي: که نمر ته يوه شيشه سيدها کيښودلے شي نو د نمر رڼا چې پۀ دې شيشه پريوځي نو داسې به محسوسيږي، لکه چې پۀ زمکه باندې هم يو نمر موجود دے يعنې هٰغه شيشه به دومره پړقيږي خو که د دې نمر مخې ته، هٰغه شيشه اُلټا کيږدې يعنې د شيشې تور اړخ نمر ته کيږدې نو که يو نۀ پۀ زرګونو نمرونه هم وي نو هغه نۀ شي روښانه کولے۔ آؤ! د داسې ړندې شيشې روښانه کول به هم د طيبه د سپوږمۍ، د مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم کار وي۔ وګورئ چې د حضرت اسحاق عَلَیْهِ السَّلَام نه واخله تر د حضرت عيسیٰ عَلَیْهِ السَّلَام پورې چې څومره هم نبيانو او رسولانو تشريف راوړے دے، هٰغه ټول پۀ بني اسرائيلو کښې راغلل، بني اسرائيل د مذهب نه خبر وو، د هغوئي پۀ هره زمانه کښې