دے او اَلْحَمْدُ لِلّٰہ! پۀ قرآنِ کريم کښې درې څلور کرته نۀ بلکې د يوې محتاط اندازې مطابق پۀ ټولو 27 ځايونو کښې د مِيلاد (يعنې د رسول الله صَلَّى اللهُ عَلَيْهِ وَاٰلِهٖ وَسَلَّم دُنيا ته د تشريف راوړلو) ذِکر موجود دے۔

حسنؔ وِلادتِ سرکار سے ہوا روشن                           مرے  خُدا  کو  بھی  پیاری  ہے  بارہویں  تاریخ ^([1])

د بيان پۀ شروع کښې مونږ د څلورمې سيپارې د سورۀ آلِ عِمران د آيت: 164 د اوريدو سعادت حاصل کړو * پۀ دې آيت مبارک کښې هم د نبي کريم صَلَّى اللهُ عَلَيْهِ وَاٰلِهٖ وَسَلَّم دُنيا ته د تشريف راوړلو بيان دے * د رسول الله صَلَّى اللهُ عَلَيْهِ وَاٰلِهٖ وَسَلَّم د فضائلو او مناقبو بيان دے - * خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم دُنيا ته تشريف راوړو، رسول  راغلو * د اِيمان ورکولو د پاره راغلو * د قرآن ښودلو د پاره راغلو * د عِلم او د حکمت ښودلو د پاره راغلو، د زړونو د روښانه کولو د پاره راغلو او بے لارې شوي انسانيت ته د حق د لارې ښودلو د پاره يـې تشريف راوړو * دا ټولې خبرې پۀ دې آيت کښې بيان شوې دي۔

اوس لږ غور وکړئ چې مونږ چې کله مِيلاد کوو * د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم د مِيلاد محفل کوو * د مِيلاد اِجتماع کوو نو پۀ دې کښې څۀ وي؟ * تِلاوت وي    * نعتونه وئيلے کيږي * د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د ولادت باسعادت بيان وي * د هغوئي د معجزو بيان وي * د هغوئي د فضائلو او مناقبو بيان وي۔ يعنې هٰغه خبرې کومې چې پۀ قرآن او حديث کښې ذِکر شوې، هم هٰغه بيانيږي۔ ځکه ثابته شوه چې پۀ مِيلاد کولو کښې هيڅ باک نشته بلکې دا ډير د سعادت والا کار دے۔ الله پاک دې مونږ ته د ښۀ جوش او جذبې سره، د ذوق او شوق سره د ميلاد د خوشحالو نمانځلو توفيق راعطا کړي۔ راځئ چې د آيت مبارک وضاحت واورو: