فرمائي: ما ته د ډول او شپيلۍ ماتولو حکم شوے دے ^([1]) * د حضرت ضَحاک رَحْمَةُ اللهِ عَلَيْه نه روايت دے چې: سندرې زړۀ خرابوونکے او الله پاک خفه کوونکے (عمل) دے۔ ^([2]) (5): نعتِ پاک بے شکه لګوئ خو پۀ ورو اواز کښې او د دې احتياط سره چې يو عبادت کوونکي، اودۀ يا مريض وغيره  ته تکليف اونۀ رسي او د اذان او د نـمونځونو د وختونو هم خيال ساتئ۔ (د زنانه پۀ اواز کښې نعت مۀ لګوئ) (6): پۀ کوڅه يا سړک وغيره زمکه باندې داسې سينګار کول، جنډې لګول د کومې نه چې د پيدل تلونکو او ګاډو چلوونکو مسلمانانو ته تکليف وي، جائز نۀ دي (7): د چراغونو د تماشې د پاره د زنانؤ د نا محرمه نارينؤ  سره بے پردې وتل حرام او شرمناک عمل دے او د پرده کوونکو زنانؤ هم پۀ دې طريقه د نارينؤ سره اختِلاط (يعنې يو ځائے وتل) ډير افسوسناک کار دے۔ د بجلۍ غلا هم جائزه نۀ ده۔ ځکه پۀ دې لړ کښې د بجلۍ ورکوونکې ادارې سره رابطه وکړئ او د جائزو ذريعو نه د چراغونو روښانه کولو ترتيب جوړ کړئ (8): د ميلاد پۀ جُلوس کښې ډير کوشش کوئ چې پۀ اوداسه کښې يئ، د جَمعې سره د نـمونځ کولو د پابندۍ خيال ساتئ۔ عاشقانِ رسول د جَمعې نـمونځ پريښودو والا نۀ وي۔ (9): د ميلاد پۀ جُلوس کښې د اَسپو ګاډۍ او د اوښ ګاډۍ مۀ راولئ ځکه چې د اَس او اوښ پۀ ميتيازو او خشنو سره د عاشقانِ رسول جامو وغيره د پليتيدو انديښنه وي۔ (10): پۀ جلوس کښې د مکـتبة الـمدينه رسالې ښه ډيرې تقسيم کړئ، د ميوې دانې وغيره شيندلو پۀ ځائے خلقو له پۀ لاسونو کښې هم داسې ورکړئ، د دې پۀ زمکه باندې د پريوتو او د ښپو لاندې د راتلو سره هم بے حُرمتي کيږي۔ (11): نفرت خورونکې چغې د عزت نه ډک د ميلاد جُلوس کښې اړے ګړے پيد اکولے شي، پۀ امن سره پۀ اوسيدو کښې ستاسو خير دے۔ (12): الله دې نۀ کړي چې که چرې لږ شان کاڼي هم راوريږي نو بيا هم پۀ جذباتو کښې د راتلو سره جوابي کاروائي مۀ کوئ