د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چا چې زما اطاعت وکړو، هغۀ د الله پاک اطاعت وکړو، چا چې زما نافرماني وکړه هغۀ د الله پاک نافرماني وکړه۔   

د رسولِ ذِيشان صَلَّى اللهُ عَلَيْهِ وَاٰلِهٖ وَسَلَّم درې حقونه

خوږو او محترمو اِسلامي وروڼو! پۀ مونږ باندې زمونږ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ډير احسانونه دي، ځکه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم حقونه هم ډير زيات دي، نن به مونږه د رسولِ ذِيشان صَلَّى اللهُ عَلَيْهِ وَاٰلِهٖ وَسَلَّم د دريو حقونو د زده کولو سعادت حاصلوو۔

وړومبے حق: پۀ نبي کريم صَلَّى اللهُ عَلَيْهِ وَاٰلِهٖ وَسَلَّم باندې ايمان راوړل۔

وضاحت: د حضورِ اقدس صَلَّى اللهُ عَلَيْهِ وَاٰلِهٖ وَسَلَّم پۀ نبوت او رسالت باندې ايمان راوړل، څۀ چې رسول الله صَلَّى اللهُ عَلَيْهِ وَاٰلِهٖ وَسَلَّم د الله پاک د طرف نه راوړي دي، د زړۀ نه پۀ هغې باندې ايمان لرل او پۀ ژبه باندې د هغې اِقرار کول، پۀ نبي پاک صَلَّى اللهُ عَلَيْهِ وَاٰلِهٖ وَسَلَّم باندې ايمان راوړل دي۔ ^([1]) پۀ نبي کريم صَلَّى اللهُ عَلَيْهِ وَاٰلِهٖ وَسَلَّم باندې ايمان راوړل پۀ هر کَس باندې فرضِ عين دي۔ پۀ نبي کريم صَلَّى اللهُ عَلَيْهِ وَاٰلِهٖ وَسَلَّم باندې پۀ ايمان راوړلو کښې دا خبرې هم شاملې دي: * رسول الله صَلَّى اللهُ عَلَيْهِ وَاٰلِهٖ وَسَلَّم د ټول مخلوق طرف ته راليږلے شوے دے * خوږ آقا، د مدينے  مصطفٰے صَلَّى اللهُ عَلَيْهِ وَاٰلِهٖ وَسَلَّم د ټولو نه اخري نبي دے، د نبي کريم صَلَّى اللهُ عَلَيْهِ وَاٰلِهٖ وَسَلَّم نه پس به بَل يو نبي هم نۀ راځي * خوږ آقا صَلَّى اللهُ عَلَيْهِ وَاٰلِهٖ وَسَلَّم پۀ مونږ کښې د چا پۀ شان نۀ دے بلکې پۀ خپل ذات او صفتونو کښې د ټول مخلوق نه افضل دے * نبي کريم     صَلَّى اللهُ عَلَيْهِ وَاٰلِهٖ وَسَلَّم ته چې کوم خاصيتونه او کمالونه عطا کړے شوي دي پۀ هغې باندې هم يقين ساتل ضروري دي۔ مثلاً: رسول الله صَلَّى اللهُ عَلَيْهِ وَاٰلِهٖ وَسَلَّم به د قيامت پۀ ورځ زمونږ پۀ