پۀ ړندو شيشو کښې وځليدو زمونږه نبي

Al Quran Books Madani Channel

Magazine Courses Media

باره کښې څۀ ګمان لرې؟ ثُمامَه ووئيل: زما خيال خو ښۀ دے، که تاسو ما قتل کړئ نو يو خون کوونکے به قتل کړئ (يعنې زما بدله به اخستے کيږي)، که پرې مې ږدۍ نو شُکر ګزار به مو يم، که مال غواړۍ نو ووايئ! زۀ به مال حاضر کړم۔

بس هم دومره خبرې وشوې، خوږ محبوب صَلَّى اللهُ عَلَيْهِ وَاٰلِهٖ وَسَلَّم ورته څۀ اونۀ وئيل او تشريف يـې يوړلو * پۀ بله ورځ يـې بيا وفرمائيل: ثُمامَه څۀ حال دے؟ تۀ د ځان پۀ باره کښې څۀ ګمان لرې؟ ثُمامَه بيا هم هٰغه جواب ورکړو۔ نبي کريم صَلَّى اللهُ عَلَيْهِ وَاٰلِهٖ وَسَلَّم بيا خاموشه شو * پۀ دريمه ورځ بيا هم هٰغه واقعه وشوه، نبي کريم صَلَّى اللهُ عَلَيْهِ وَاٰلِهٖ وَسَلَّم تشريف راوړلو، پوښتنه يـې وکړه: ثُمامَه څۀ حال دے؟ ثُمامَه نن هم هٰغه جواب ورکړو، اوئې وئيل: زما ښۀ خيال دے، که قتل مې کړئ نو زما بدله به اخستے کيږي، که پرې مې ږدۍ نو شُکر ګزار به مو يم، که مال پکار وي نو ووايئ مال به درکړم۔

درې ورځې شوې وې، د دريو ورځو راسې ثُمامَه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د ديدار جامونه څښل، ښکلې ښکلې زړۀ راښکونکې اداګانې يـې ليدلې، بيا رسول الله صَلَّى اللهُ عَلَيْهِ وَاٰلِهٖ وَسَلَّم صحابۀ کرامو رَضِىَ اللهُ عَـنْهُم ته حکم وکړو: ثُمامَه ازاد کړئ۔۔۔!!

اَللہُ اَکْبَر! تر دريو ورځو پورې يـې د حضور صَلَّى اللهُ عَلَيْهِ وَاٰلِهٖ وَسَلَّم اعلٰی اخلاقِ کريمه وليدل، د ثُمامَه په زړۀ کښې د محبت شمع روښانه شوه، بيا حضور صَلَّى اللهُ عَلَيْهِ وَاٰلِهٖ وَسَلَّم وفرمائيل: دا ازاد کړئ! اوس چې ازاد شي نو چرته به ځي۔۔۔؟

خير! صحابۀ کرامو رَضِىَ اللهُ عَـنْهُم پۀ حکم باندې عمل وکړو، د ثُمامَه رسۍ يـې پرانسته، ثُمامَه د جومات نه ووتو، د جومات پۀ خوا کښې يو باغ وو، هلته لاړو، د کوهي پۀ اوبو يـې اودس وکړو او ځان يـې پاک کړو او واپس جومات ته راغلو او کلمه يـې ووئيله او مسلمان شو۔ ^{(^[1])}

[1]... بخاری، کتاب المغازی، باب وفد بنی حنیفۃ...الخ، صفحہ: 1086، حدیث:4372 ملخصاً۔

Important

Mobile Apps

Contact Us