Book Name:Andhay Sheeshon Mein Chamka Hamara Nabi
د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔
صَلُّو ْا عَلَي الْحَبيب! صَلَّي الله عَلٰي مُحَمَّد
د ثُمامه بن اُثال اِسلام قبلول
ثُمامَه بن اُثال رَضِىَ اللهُ عَـنْهُ صحابئ رسول دے، د يَمَامَه اوسيدونکے وو۔ د صحابي جوړيدو نه مخکښې هغوئي د اِسلام سخت دښمن وو، يو ځل هغه د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم (مَعَاذَ الله!) د شهيد کولو کوشش هم کړے وو۔ بيا پۀ هغوئي باندې کرم وشو، پۀ اِسلام باندې منَّور شو او صحابي جوړ شو۔ هغوئي اِسلام څنګه قبول کړے دے؟ د دې واقعه ډيره ښکلې ده۔
د 6 هجرۍ واقعه ده، داسې وشو چې يو ځل ثُمامَه بن اُثَال قيدي شو او پۀ بارګاهِ رسالت صَلَّى اللهُ عَلَيْهِ وَاٰلِهٖ وَسَلَّم کښې پيش کړے شو۔ نبي کريم صَلَّى اللهُ عَلَيْهِ وَاٰلِهٖ وَسَلَّم حکم وکړو: دا پۀ مسجدِ نبوي کښې پۀ ستنه پورې وتړئ۔ پۀ حکم باندې فوراً عمل وکړے شو، ثُمامَه پۀ ستنه پورې وتړلے شو۔([1])
دا پۀ جومات کښې پۀ ستنه پورې ولې وتړلے شو؟ علمائے کرامو د دې ډير ښکلے حکمت ليکلے دے، فرمائي: دي د پاره چې دا پۀ ستنه پورې تړلے شوے وي، خوږ محبوب صَلَّى اللهُ عَلَيْهِ وَاٰلِهٖ وَسَلَّم پۀ ناسته پاسته، پۀ تللو راتللو ويني، د ديدار جامونه څښي او د دۀ زړۀ روښانه شي۔ ([2]) نو هم داسې وشو۔
ثُمامَه پۀ جومات کښې پۀ ستنه پورې وتړلے شو۔ محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم تشريف راوړلو، اوئې فرمائيل: ثُمامَه څۀ حال دے؟ تۀ د خپل ځان پۀ