Book Name:Andhay Sheeshon Mein Chamka Hamara Nabi
کوم کار چې هغوئي اوکړو نو پوره شو
خوږو او محترمو اِسلامي وروڼو! اندازه ولګوئ چې کوم خلق د خبرې اوريدو پۀ ځائے، اُلټا سخت ظلمونه کوي، د داسې خلقو پوهه کول، نيغې لارې ته راوستل به څومره سخت کار وي۔ خو قربان شم! د محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم شان ډير ځانګړے دے۔ مولانا حسن رضا خان صاحِب رَحْمَةُ اللهِ عَلَيْه ليکلي دي:
کام جو اُن سے ہُوا پُورا ہوا اُن کی جو تَدْبِیر ہے، تقدیر ہے([1])
وضاحت: يعنې محبوبِ ذِيشان صَلَّى اللهُ عَلَيْهِ وَاٰلِهٖ وَسَلَّم چې کوم کار هم کوي، پوره کوي يـې، د هغوئي د تجويز، د ترکيب او د کار انداز مبارک د تقدير عين مطابق وي بلکې حق خو دا دے چې څۀ خوږ محبوب صَلَّى اللهُ عَلَيْهِ وَاٰلِهٖ وَسَلَّم وفرمائي، هم هغه تقدير جوړيږي۔
د قوم حالت اګر که بالکل بے حاله وو، خوږ محبوب صَلَّى اللهُ عَلَيْهِ وَاٰلِهٖ وَسَلَّم صَلَّى اللهُ عَلَيْهِ وَاٰلِهٖ وَسَلَّم * چا ته پۀ معجزو ښودلو * چا ته پۀ قرآنِ پاک ښودلو * څوک پۀ خپلو ښکلو ښکلو اداګانو مئين کړل او * چا ته يـې د ښو اخلاقو جلوه وښودله او د ځان يـې کړل او د هدايتونو معراج ته يـې وه رَسَوَل۔
د نيکۍ دعوت ورکول د انبيائے کرامو علَيهِمُ السَّلام سُنَّت دي
خوږو او محترمو اِسلامي وروڼو! زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم مشکلات برداشت کړل او د نيکۍ دعوت يې عام کړو، مونږ له هم د نيکۍ دعوت ورکول پکار دي، دا نيک کار د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت هم دے، د انبيائے کرامو علَيهِمُ السَّلام سُنَّت هم دے، د حضرت آدم عَلَیْهِ السَّلَام نه واخله تر د ټولو اخري نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم پورې چې څومره هم نبيانو تشريف راوړے، د ټولو د تشريف راوړلو اصلي مقصد هم د نيکۍ دعوت عام کول وو۔