اعلیٰ حضرت رَحْمَةُ اللهِ عَلَيْه فرمائي: مخکښې چې کومو انبيائے کرامو علَيهِمُ السَّلام تشريف راوړےوو، هغوئي چې د چا طرف ته راليږلے شوي وو، هغوئي د مخکښې نه ځليدلو والا وو، وګورئ چې * حضرت موسیٰ عَلَیْهِ السَّلَام بني اسرائيلو ته نبي وليږلے شو، بني اسرائيل د نبيانو اولاد وو، پۀ الله پاک باندې يـې هم ايمان لرلو، نبيان يـې هم منل * حضرت يوشع عَلَیْهِ السَّلَام د بني اسرائيلو نبي دے * حضرت داؤد عَلَیْهِ السَّلَام د بني اسرائيلو نبي دے     * حضرت سليمان عَلَیْهِ السَّلَام د بني اسرائيلو نبي دے * حضرت زکريا عَلَیْهِ السَّلَام                                   * حضرت يحيیٰ عَلَیْهِ السَّلَام د بني اسرائيلو نبيان دي * حضرت عيسیٰ عَلَیْهِ السَّلَام هم د بني اسرائيلو نبي دے، دا خلق د انبيائے کرامو علَيهِمُ السَّلام اولاد وو، پۀ الله پاک باندې يـې هم ايمان لرلو، قيامت يـې هم منلو، د الله پاک کتابونه يـې هم منل، پۀ نبوت باندې يـې هم ايمان لرلو، بس د ګناهونو پۀ وجه د دوئي پۀ زړونو باندې دوړه پرته وه، انبيائے کرامو علَيهِمُ السَّلام پۀ ډير محنت باندې، ډير پۀ مهارت سره د دوئي د زړونو نه دوړه لرې کړه، د هغوئي پړقيدونکي خو دوړه نيوونکي زړونه يـې بيا روښانه کړل، يقيناً چې هغوئي ډير کمال وکړو، خو د آمنې لال رسولِ  بے مثال صَلَّى اللهُ عَلَيْهِ وَاٰلِهٖ وَسَلَّم شان ډير ځانګړے دے، نبي کريم صَلَّى اللهُ عَلَيْهِ وَاٰلِهٖ وَسَلَّم هٰغه قوم ته نبي راوليږلے شو، کومو ته چې پۀ 4 زره کاله کښې هيڅ يو نبي نۀ وو راغلے، پۀ عربو کښې حضرت اسماعيل عَلَیْهِ السَّلَام نبي تير شوے وو، د هغوئي نه پس بل هيڅ يو نبي عَلَیْهِ السَّلَام د عربو د اِصلاح د پاره تشريف نۀ وو راوړے،دغه وخت کښي د دې قوم حالت ډير خراب شوے وو، دوئي د الله پاک توحيد هم نۀ منلو، پۀ نبيانو باندې يـې هم ايمان نۀ لرلو، اخرت يـې هم نۀ منلو، دوئي ته هډو معلومه نۀ وه چې نبوت څۀ وي، د دوئي زړونه دوړو وهلي وو بلکې زنګ يـې نيولے وو د ړندې شيشې پۀ شان شوي وو۔ خوږ محبوب صَلَّى اللهُ عَلَيْهِ وَاٰلِهٖ وَسَلَّم د خپل بے مثله کردار پۀ ذريعه دا ړندې شيشې روښانه کړې او د زمانې امامان يـې کړل ۔