نفلونه ادا کوو۔ اِنْ شَآءَ اللہُ الْکَرِیم! ډير برکتونه به مو نصيب شي۔

خوږو او محترمو اِسلامي وروڼو! الله پاک د سورۀ وَالضُّحٰی پۀ شروع کښې 2 قَسمونه اِرشاد کړے شو: (1): يو د ضُحیٰ قَسم (2): بل د لَیل قَسم۔ دلته د دې دوو قَسمونو نه څۀ مُراد دي؟ مفسرينِ کرامو د دې ډيرې معنې بيان کړي دي۔ زۀ ستاسو پۀ مخکښې صرف درې معنې پيش کووم:

(1): د حق د واضِحه کيدو وخت او د مِعراج شپه

  مفسرينِ کرام فرمائي: حضرت موسیٰ عَلَیْهِ السَّلَام چې د فرعون د جادوګرو سره کومه مقابله کړې وه او حق يـې د روښانه ورځې پۀ شان واضحه کړے وو، دا مقابله د څاښت پۀ وخت کښې شوې وه، پۀ دې ځائے کښې يعنې پۀ وَالضُّحٰی کښې هٰغه د څاښت وخت مُراد دے ^([1]) او د وَالَّيل نه مُراد د معراج شپه ده۔ ^([2])

اوس به مطلب دا جوړيږي چې اے محبوبِ کريمه صَلَّى اللهُ عَلَيْهِ وَاٰلِهٖ وَسَلَّم! حضرت موسیٰ عَلَیْهِ السَّلَام چې کوم وخت حق واضحه کړے وو، د فرعون پۀ شان لوئي کافِر ته يـې شکست ورکړے وو، د هٰغه کافِر د غرور نه ډک سَر د حضرت موسیٰ عَلَیْهِ السَّلَام د معجزې پۀ ليدو ښکته شوے وو، هغه د ډير ذِلت د شکست سره مخ شوے وو، اے محبوبه صَلَّى اللهُ عَلَيْهِ وَاٰلِهٖ وَسَلَّم! پۀ هٰغه وخت مې دې قَسم وي! ستاسو رَبّ نۀ تاسو پريښودي يۍ،  نۀ ستاسو نه ناراضه شوے دے۔

دغه شان اے محبوبه صَلَّى اللهُ عَلَيْهِ وَاٰلِهٖ وَسَلَّم! ډيره زر يوه شپه راتلونکې ده * کله چې به عالَمِ بالا ښائسته کولے شي * پۀ اسمانونو کښې به ستاسو ذِکر وي * خوشحالۍ به وي * جبريلِ امين عَلَیْهِ السَّلَام به ستاسو خوا له درځي * بُراق به درليږلے شي * ستاسو نه به ناوګ [د واده ځلمے] جوړولے شي * پۀ مسجدِ اقصیٰ کښې به وړومبے پۀ نبيانو باندې تاسو ته هر کلے وئيلے شي * تاسو به اِمامُ الانبياء جوړولے شي او * هٰغه رَبِّ کريم کوم