پۀ دې کښې الله پاک خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم له تسلي ورکړه چې اے خوږه محبوبه صَلَّى اللهُ عَلَيْهِ وَاٰلِهٖ وَسَلَّم! د دې کافرانو پۀ خبرو باندې خپل زړۀ مۀ خفه کوئ! ستاسو رَبّ نۀ خو تاسو پريښودي يۍ او نۀ ستاسو نه ناراضه دے۔

محبوب څوک چرته پريږدي؟ * ستاسو رَبّ کوم چې تاسو د دواړو جهانو محبوب جوړ کړي يۍ * کوم چې پۀ زړونو کښې ستاسو محبت داسې راځائے کړے دے چې ستاسو غلامان ستاسو پۀ نوم باندې خپل سر د تن نه جُدا کول فخر ګڼي * ستاسو رَبّ کوم چې پۀ کاڼو باندې تاسو ته سلامونه وکړل * پۀ ونو باندې يـې ستاسو کلمې ولوستلې   * پۀ ځناورو باندې يـې تاسو ته سجدې وکړې * غرونه يـې ستاسو د محبت نه ډک کړل    * ستاسو رَبّ کوم چې ستاسو پۀ خاطِر دواړه جهانونه پيدا کړل * پۀ زرګونو کاله مخکښې يـې پۀ عرش باندې د خپل نوم سره ستاسو نوم وليکلو * د جنَّت پۀ پاڼه پاڼه باندې يـې ستاسو نوم وليکلو، آيا ستاسو هٰغه رَبِّ رحمان او رحيم به ستاسو نه ناراضه کيږي؟ هغه به تاسو پريږدي؟ نا۔۔۔!! نا، اے محبوبه! تاسو هٰغه هستي نۀ يۍ چې څوک درنه  ناراضه شي، تاسو هغۀ نۀ يۍ چې پريښودلے شئ ، تاسو خو هغۀ يۍ د چا رضا چې رَبِّ کائنات غواړي، تاسو خو هغه يۍ د چا پۀ برکت چي د رَبِّ کريم د بارګاه نه شړلے شوي مقبول جوړيږي۔

 مولانا حسن رضا خان صاحب رَحْمَةُ اللهِ عَلَيْه څۀ ښکلي وئيلي دي:

عجب پیاری پیاری ہے صُورت کسی کی                      ہمیں کیا خُدا کو ہے الفت کسی کی

کسی کو کسی سے ہوئی ہے نہ ہو گی                              خُدا کو ہے جتنی محبّت کسی کی

                                                                                                                                                                               رَفَعْنَا لَکَ ذِکْرَک پر تصدق                         سب اونچوں سے اونچی ہے رِفعت کسی کی

فَتَرْضٰی نے ڈالی ہیں باہیں گلے میں                           کہ ہو جائے راضِی طبیعت کسی کی^([1])

صَلُّوا عَلَی الْحَبیب!                               صَلَّی اللّٰہُ عَلٰی مُحَمَّد