تلاوت کی توفیق دیدے الٰہی                                  گناہوں کی ہو دور دل سے سیاہی

صَلُّوا عَلَی الْحَبیب!                               صَلَّی اللّٰہُ عَلٰی مُحَمَّد

د سورۀ وَالضُّحٰی شانِ نزول

خوږو او محترمو اِسلامي وروڼو! د سورۀ وَالضُّحٰی شانِ نزول څۀ داسې دے چې زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم چې کله د نبوت اعلان وفرمائيلو نو د هغې نه څۀ موده پس وحي راتلل ودريدل، دې ته زمانۀ فَترتِ وحي (يعنې د وحي ودريدو موده) وئيلے شي۔ دا څومره موده وه، پۀ دې باره کښې مختلف روايتونه دي، پۀ بعضې روايتونو کښې د 12 ورځو ذِکر دے، پۀ بعضو کښې د 15 ورځو، پۀ بعضې روايتونو کښې د 25 ورځو او پۀ بعضې روايتونو کښې د 40 ورځو ذِکر دے۔ بهر حال! چې کله وحي راتلل بند شو نو غير مسلمو زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ګستاخيانې شروع کړې * چا به وئيل چې د مُحَمَّد صَلَّى اللهُ عَلَيْهِ وَاٰلِهٖ وَسَلَّم رَبّ هغوئي پريښودي دي * چا به وئيل چې د مُحَمَّد صَلَّى اللهُ عَلَيْهِ وَاٰلِهٖ وَسَلَّم رَبّ د هغوئي نه ناراضه دے ^([1]) او * اُمِّ جميل يعنې د ابو لـهب ښځه کومه چې ګستاخِ رسول وه، هغې خو پۀ دې موقع باندې د نبي کريم صَلَّى اللهُ عَلَيْهِ وَاٰلِهٖ وَسَلَّم د پاره ډير د سپکاوي الفاظ استعمال کړل، پۀ دې باندې د محبوبِ رحمان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم زړۀ مبارک ته ډير خفګان ورسيدو،نودا مبارک سُورت نازل شو، ^([2]) الله پاک فرمائي:

وَ الضُّحٰی ۙ﴿۱﴾  وَ الَّیۡلِ  اِذَا سَجٰی ۙ﴿۲﴾  مَا وَدَّعَکَ رَبُّکَ وَ مَا قَلٰی ؕ﴿۳﴾

ترجمهٴ کنزُ العِرفان: د څاښت د وخت قَسم۔ او د شپې چې کله پرده خوره کړي۔ ستا رَب تۀ نۀ پريښودے يـې او نۀ يـې ناخوښه کړے يـې۔