او سرې شان وې ^([1]) * غاښونه مبارک يـې ډير سپين او پړقيدونکي وو، پۀ دې کښې تر مناسب حده پورې فاصله وه، چې کله به رسول الله صَلَّى اللهُ عَلَيْهِ وَاٰلِهٖ وَسَلَّم خبرې کولې نو داسي به ښکاريدو لکه د غاښونو مبارکو نه چي نُور څڅيږي  ^([2])  * ګيره مبارکه يـې ګڼه وه، پۀ اوږد والي کښې به د يو موټې برابر وه او پۀ پلن والي کښې به يـې سينه ډکه ساتله ^([3])

* غرض دا چې د مخ مبارک، د هغه هر اندام، هره يوه حصه يـې ډيره ښکلې وه، صحابۀ کرامو عَليهمُ الرّضوَان به بعضې وخت د مخ مبارک د حُسن بيانولو د پاره هغې ته وَرَقَةُ مُصحَف (د قرآنِ کريم ورق) وئيلو ^([4]) يعنې د نبي کريم صَلَّى اللهُ عَلَيْهِ وَاٰلِهٖ وَسَلَّم مخ مبارک پۀ خپله صفايۍ، حُسن او ښکلا او پۀ ځليدو کښي د قرآنِ کريم د اَوراقو پۀ شان وو  * حضرت ابو هريره رَضِىَ اللهُ عَـنْهُ فرمائي: ما د رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم نه زيات ښکلے څوک هم نۀ دے ليدلے، د هغوئي مخ مبارک دومره نُوراني وو چې لکه چې پۀ هٰغه نُوراني مخ کښې به نمر ځليدلو۔ ^([5])

الله! الله! د هٰغه نوراني مخ تعريف به تر کوم حده پورې بيانوې * الله پاک هٰغه نوراني مخ هم معجزه جوړه کړې وه * د هغوئي نوراني مخ د هغوئي د نبوت د ټولو نه لوئي دليل وو۔ حضرت عبد الله بن رواحه رَضِىَ اللهُ عَـنْهُ صحابئ رسول دے، او د دربارِ نبوت  پۀ نعت خوانانو شاعرانو کښې دے، هغوئي فرمائي:

لَو لَمْ یَکُنْ فِیْہِ اٰیَاتٌ مُبَیِّنَۃٌ                                                                                             کَانَتْ بَدَاھَتُہُ  تُنْبِيكَ عَنْ خَبْرِہٖ

يعنې که حُضُور پرنُور صَلَّى اللهُ عَلَيْهِ وَاٰلِهٖ وَسَلَّم څۀ معجزه هم نۀ ښودله نو بيا هم پۀ نبي کيدو باندې د هغوئي د حُسن نظاره هم ډير لوئي دليل وو۔ ^([6])