جهانو د پاره رحمت راغلے دے * د هغوئي پۀ طبيعت مبارک باندې به هميشه د رحمت، نرمۍ او عفو او کرم غلبه وه * غور وکړئ چې د طائِف هغه سفر، هٰغه دردناک سفر چې سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم چې د  طائِف د خلقو د دوزخ نه د بچ کولو او د جنَّت د حقدار جوړولو پۀ خاطِر د نيکۍ دعوت ورکولو د پاره تشريف وړے وو، هم هٰغه خلقو نبي کريم صَلَّى اللهُ عَلَيْهِ وَاٰلِهٖ وَسَلَّم مَعَاذَ الله! پۀ کاڼو وويشتو، وجود مبارک يـې ورله زخمي کړو، د دې باوجود چې کله د غرونو فرښته حاضره شوه او عرض يـې وکړو چې يا رسولَ الله صَلَّى اللهُ عَلَيْهِ وَاٰلِهٖ وَسَلَّم! که حکم وي نو دواړه غرونه به د يو بَل سره يو ځائے کړم او دوئي به فنا کړم؟ اوئې فرمائيل: نا۔۔۔!! زۀ نۀ غواړم چې دا هلاک شي ^([1]) * دغه شان د غزوۀ حنين پۀ موقع باندې د نبي کريم صَلَّى اللهُ عَلَيْهِ وَاٰلِهٖ وَسَلَّم پۀ خدمت کښې عرض وکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! دوئي ته ښيرې وکړئ! رسول الله صَلَّى اللهُ عَلَيْهِ وَاٰلِهٖ وَسَلَّم داسې دُعا وکړه: اللّٰهُمَّ ‌اهْدِ ‌ثَقِيفًا ^([2]) اے الله پاکه! ثقيف قبيلې ته هدايت عطا کړې * هند بنتِ عتبه هٰغه زنانه ده کومې چې د خوږ آقا صَلَّى اللهُ عَلَيْهِ وَاٰلِهٖ وَسَلَّم د خوږ ترۀ کاکا جان حضرت امير حمزه رَضِىَ اللهُ عَـنْهُ زړۀ راويستے وو او په غاښونو کښې يـې چقولے وو، د فتح مکې پۀ موقع باندې دې نقاب وکړو او بارګاهِ رسالت صَلَّى اللهُ عَلَيْهِ وَاٰلِهٖ وَسَلَّم ته حاضره شوه، کلمه يـې ووئيله او اِسلام يـې قبول کړو، بيا يـې د مخ نه نقاب لرې کړو او اوئې وئيل: زۀ هند بنتِ عتبه يعنې هٰغه زنانه يم، کومې چې ستاسو د ترۀ پۀ زړۀ په غاښونو چقولے وو۔ پۀ دې باندې نبي کريم     صَلَّى اللهُ عَلَيْهِ وَاٰلِهٖ وَسَلَّم هيڅ هم اونۀ فرمائيل، د ذرې برابر د غصې يا د نفرت اِظهار يـې اونۀ کړو، د داسې ځانګړو اخلاقو، د عفو او د کرم دا مبارکه ادا چې يـې وليدله نو هند بنتِ عتبه رَضِىَ اللهُ عَـنْها عرض وکړو: يا رسولَ صَلَّى اللهُ عَلَيْهِ وَاٰلِهٖ وَسَلَّم! د دې  نه مخکښې ستاسو نه زيات زما د چا نه نفرت نۀ وو، اوس پۀ ټوله زمکه باندې ستاسو نه زيات ما ته څوک محبوب نشته ۔ ^([3])