قافلے میں سَفَر کی نِیّت کر لیجیے! آئیے ! ترغیب کے لئے ایک مدنی بہار سنتے ہیں:

باغ کاجھولا

حَیْدَر آبادکے ایک محلہ میں عَلاقائی دَ ورہ کی دعوت سے مُتَاَثِّرہو کر ایک ماڈَرْن (Modern)نوجوان مسجِد میں آ گیا۔ بیان میں قافِلوں میں سفر کی ترغیب دلائی گئی تواس نے قافلے میں سفر کرنے کیلئے نام لکھوادیا۔ ابھی قافلے میں اُس کی روانگی میں کچھ دن باقی تھے کہ قَضائے الٰہی سے اُس کا انتِقال ہو گیا۔ کسی اَہلِ خانہ نے مرحوم کو خواب میں اِس حالت میں دیکھا کہ وہ ایک ہریالے باغ میں نہایت خوش ہے اور جُھولا جھول رہا ہے۔ خواب دیکھنے والے نے پوچھا، یہاں کیسے آ گئے ؟ اس نوجوان نے جواب دیا: دعوتِ اسلامی کے قافلے کے ساتھ آیا ہوں، اللہ  پاک کا بڑا کرم ہوا ہے، میری ماں سے کہہ دینا کہ وہ میرا غم نہ کرے میں یہاں بہت سکون سے ہوں۔

لوٹنے رحمتیں قافلے میں چلو   سیکھنے سنتیں قافلے میں چلو

پاؤگے بخششیں قافلے میں چلو  جنّتیں بھی ملیں، قافلے میں چلو

صَلُّوْا عَلَی الْحَبِیْب!                                               صَلَّی اللہ  عَلٰی مُحَمَّد

آئیے! دعوتِ اسلامی کے ساتھ مِل کر پیارے آقا، مکی مَدَنی مصطفےٰ صَلَّی اللہ  تَعَالٰی علیہ وَاٰلِہٖ وَسَلَّم کی سُنتوں کی دھوم مچاتے ہیں۔ اللہ  پاک عمل کی توفیق عطا فرمائے۔ اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم ۔

میں مُبَلِّغْ بنوں سُنّتوں کا خوب چرچا کروں سُنّتوں کا

یا خُدا! درس دوں سُنّتوں کا ہو کرم بہرِ خاکِ مدینہ