Book Name:Andhay Sheeshon Mein Chamka Hamara Nabi
نمازی بنے بلکہ مسجدوں کے امام بن گئے *بدنگاہی کرنے والے حیادار بنے *ماں باپ کو ستانے والے بااَدب ہو گئے *چور اور ڈاکو آئے، تائِب ہوئے، چوری، ڈکیتی چھوڑ کر مُعَاشَرے کے شریف انسان بن گئے *حَسَد کی آگ میں جلنے والے شکر گزار اور خیر خواہ ہو گئے *فلموں اور گانوں کے شوقین نعتِ مصطفےٰ پڑھنے سننے والے بن گئے *دُنیا کے گندے گناہوں بھرے عشق کے متوالے، پیارے مصطفےٰ، مکی مَدَنی آقا صَلَّی اللہ تَعَالٰی علیہ وَاٰلِہٖ وَسَلَّم کی زُلفوں کے دیوانے ہو گئے *مال و دولت کے پیچھے بھاگنے والے رِضائے اِلٰہی کے طلب گار ہو گئے *شرابی آئے، توبہ کر کے پاکیزہ انسان بنے *غافِل آئے، عبادت گزار بن گئے *بھٹکے ہوؤں کو سیدھا راستہ مل گیا *ہزاروں کافِروں کو اسلام کی نعمت نصیب ہوئی۔ یُوں ایک ایک دو دو آتے گئے، نیکی کی دعوت کے اس سفر میں آپ کے ساتھ ملتے گئے، کارواں بنتا چلا گیا اور الحمد للہ ! نیکی کی دعوت کا یہ دینی پیغام دُنیا بھر میں پہنچ گیا۔
اے امیرِ اہلسنت تیری شوکت زندہ باد تجھ سے دُنیا بھر میں ہے دِیں کی اشاعت زندہ باد
تیری مجلس میں گئے جو بن گئے صالح سعید نوجواں پر ہو ترا فیضانِ صحبت زندہ باد
گوشہ گوشہ دنیا کا ہونے لگا ہے فیض یاب عام ہر سُو ہو گیا فیضانِ سُنَّت زندہ باد([1])
پیارے اسلامی بھائیو!آپ کی اپنی دینی تنظیم دعوتِ اسلامی، اس وقت 80 سے زائد شعبہ جات میں دین کی خدمت کرنے میں مصروف ہے۔اَلحمدُ لِلّٰہ ! کنز المدارس بورڈ کے نام سے دعوتِ اسلامی کا اپنا تعلیمی بورڈ ہے ہزاروں جامعات و مدارسُ المدینہ (بوائز اینڈ