اَلحمدُ لِلّٰہ  رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ  الرَّحْمٰنِ الرَّ حِیْم ^ط

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                       وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                      وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                         (ترجمہ: میں نے سُنَّت اعتکاف کی نِیَّت کی)

درودِ پاک کی فضیلت

مسلمانوں کے دوسرے خلیفہ حضرت عمر بن خطّاب رَضِیَ اللہُ تَعَالٰی عَنْہُسے روایت ہے، رسولِ ذیشان، مکی مَدَنی سلطان صَلَّی اللہ  تَعَالٰی علیہ وَاٰلِہٖ وَسَلَّم نے فرمایا: چمکتی ہوئی رات اور روشن دِن میں مجھ پر درود بھیجو، بیشک تمہارا درود مجھ پر پیش ہوتا ہے، میں تمہارے لیے دُعا مانگتا اور اِسْتِغْفار کرتا ہوں۔ ^([1])

وضاحت: چمکتی رات سے مراد شبِ جمعہ (یعنی آج کی رات) اور روشن دِن سے مراد جمعۃُ المُبارَک ہے۔^([2])

آنکھوں سے کِیا دَرْیا جارِی اور لب پہ دُعا پیاری پیاری

رَو رَو کے گزاری شب ساری، اے حامئ اُمّت کیا کہنا...!!

سُبْحٰنَ اللہ ! پیارے اسلامی بھائیو! کتنی پیاری فضیلت ہے، پیارے مَحْبُوب صَلَّی اللہ  تَعَالٰی علیہ وَاٰلِہٖ وَسَلَّم ہم گنہگاروں کے لیے دُعائیں بھی فرماتے ہیں، اِسْتِغْفَار بھی فرماتے ہیں۔ دُعائے مصطفےٰ کی تو ماشَآءَ اللہ ! شان ہی یہ ہے کہ بس ہاتھ اُٹھنے کی دَیر ہوتی ہے، سب