محروم رہ گئے تو دَرْدناک عذاب کا مزہ چکھیں گے۔

اللہ  پاک کی پناہ! اللہ  پاک کی پناہ...!! اللہ  کریم ہمیں اپنا فرمانبردار بندہ بننے کی توفیق عطا فرمائے۔

اٰمِیْن بِجَاہِ  خَاتَمِ النَّبِیّٖن صَلَّی اللہُ تَعَالٰی عَلَیْہِ وَاٰلہٖ وَسَلَّم ۔  

صَلُّوْا عَلَی الْحَبِیْب!                                                                                               صَلَّی اللہ  عَلٰی مُحَمَّد

نامِ پاک: داعِی اِلَی اللہ !

پیارے اسلامی بھائیو! میرے پیارے نبی، رسولِ ہاشمی  صَلَّی اللہُ تَعَالٰی عَلَیْہِ وَاٰلہٖ وَسَلَّم کا ایک پیارا پیارا پاکیزہ نام دَاعِی اِلَی اللہ  بھی ہے۔ یعنی آپ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ لوگوں کو اللہ  پاک کی طرف بُلانے والے ہیں۔

الحمد للہ ! ہمارے پیارے نبی، رسولِ ہاشمی صَلَّی اللہ  تَعَالٰی عَلَیْہِ وَاٰلِہٖ وَسَلَّمَ نے غیر مسلموں کو اسلام کی طرف بُلایا،گنہگاروں کو نیکی کی طرف بُلایا،بھولے بھٹکے ہوؤں کو ہدایت کی طرف بُلایا ^([1])اور سب کو بُلا بُلا کر اللہ  پاک کی بارگاہ میں حاضِر کر دیا۔

کاش! ہم بھی اپنے آقا، مکی مدنی مصطفےٰ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ کی پیاری پیاری سیرت اپنائیں،آپ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ کے پیارے پیارے نام دَاعِی اِلَی اللّٰہ کافیضان لوٹتے ہوئے نیکی کی دعوت عام کرنے والے بن جائیں۔

صَلُّوْا عَلَی الْحَبیب!                                                صَلَّی اللّٰہُ عَلٰی مُحَمَّد

جشنِ وِلادت اور جلوسِ میلاد کے متعلق مدنی پھول

اے عاشقان ِ رسول! کل بارہویں شریف(یعنی ربیعُ الاَوَّل کی12تاریخ) ہے۔ پیارے