Pyaray Aaqa Ka Pyara Naam

Al Quran Books Madani Channel

Magazine Courses Media

اسی طرح اللہ پاک کے اَسْمَاءُ الحسنیٰ میں ایک پیارا پیارا نام اَلسَّلَامُ بھی ہے، اس کا معنیٰ ہے: سلامتی عطا فرمانے والا۔ اللہ پاک نے اپنے اس نامِ پاک کا مظہر اپنے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو بھی بنایا ہے، غور فرمائیے! ٭آپ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے دُنیا میں تشریف لانے سے پہلے قوموں پر عذاب بھی آیا کرتے تھے ٭گنہگاروں کے چہرے بگاڑ دئیے جاتے تھے ٭انہیں زمین میں دھنسا دیا جاتا تھا ٭زلزلوں (Earth Quakes) سے ہِلا دئیے جاتے تھے ٭آندھیوں (Storms) سے اُڑا دئیے جاتے تھے مگر جب رحمتِ دو جہاں، مکی مدنی سلطان صَلَّی اللہ تَعَالٰی عَلَیْہِ وَاٰلِہٖ وَسَلَّمَ دُنیا میں نامِ خُدا اَلسَّلَامُ کا مظہر بن کر تشریف لے آئے، قوموں پر یُوں مجموعی عذاب آنا بند ہو گئے^{(^[1])}٭یہاں تک کہ ایک مرتبہ غیر مسلموں نے خُود اللہ پاک کو پُکار کر کہا: اے اللہ پاک! ہم پر آسمان سے پتھر برسا دے، ہم پر دردناک عذاب اُتار دے مگر اللہ پاک فرمایا:

وَ مَا كَانَ اللّٰهُ لِیُعَذِّبَهُمْ وَ اَنْتَ فِیْهِمْؕ (پارہ:9، الانفال:33)

ترجمہ کنزُ العِرفان: اور اللہ کی یہ شان نہیں کہ انہیں عذاب دے جب تک اے حبیب! تم ان میں تشریف فرما ہو۔

سُبْحٰنَ اللہ !یہ ہیں اللہ پاک کے نامِ پاک اَلسَّلَامُ کے مظہرِ اَتَم کہ جب سے آپ دُنیا میں تشریف لے آئے، ہر طرف سلامتیاں ہی سلامتیاں پھیل گئیں، قوموں پر مجموعی عذاب آنا بند ہو گئےاور لوگوں کو سلامتی نصیب ہو گئی۔

[1]...الحقیقۃ المحمدیہ، القسم الثانی،اتصاف النبی بالاسماء الالھیة،صفحہ:174خلاصۃً۔

Important

Mobile Apps

Contact Us