Pyaray Aaqa Ka Pyara Naam

Al Quran Books Madani Channel

Magazine Courses Media

آسمان کے لئے اپنے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو رحمت بنا دیا ٭اللہ پاک تمام مخلوقات کے لئے رحمت(Merciful) ہے، پتا کیسے چلا؟ اس طرح کہ اس نے تمام مخلوقات کے لئے اپنے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو رحمت بنایا ہے ٭اللہ پاک اس دُنیا کے لئے رحمٰن ہے تو اس نے اس دُنیا میں اپنے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو رحمت بنا کر بھیجا ٭اورحق یہ ہے کہ اللہ پاک کی صفت رحمٰن کا اَصْل ظہور قیامت کے دِن ہو گا کہ حدیثِ پاک کے مطابق اس دُنیا میں اللہ پاک کی صِرْف ایک ہی رحمت کا ظہور ہے، روزِ قیامت رَبِّ کریم کی 100 رحمتوں کا ظہور ہو گا، لہٰذا قیامت کا دِن اَصْل میں رَبِّ کریم کی صفتِ رحمٰن کے ظہور کا دِن ہے تو اللہ پاک نے اپنے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو روزِ قیامت کے لئے بھی رحمت بنایا ہے ٭آپ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے رَحْمَةٌ لِّلْعَالَمِیْن ہونے کا اَصْل ظہور بھی روزِ قیامت ہی ہو گا ٭آپ کو لِوَاءُ الْحَمْد(حمد کا پرچم) عطا کیا جائے گا ٭مقامِ محمود پر فائِز فرمایا جائے گا ٭شفاعتِ کبریٰ کا منصب آپ ہی کو عطا ہو گا ٭کوئی اپنا ہو یا پرایا، اگلے ہوں یا پچھلے، سب آپ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی خِدْمت میں حاضِر ہو کر شفاعت کا سُوال کریں گے ٭آپ صَلَّی اللہ تَعَالٰی عَلَیْہِ وَاٰلِہٖ وَسَلَّمَ ہی فرمائیں گے: اَنَا لَہَا یعنی ہاں! میں ہی اس کے لئے ہوں (مجھے ہی سارے جہانوں کے لئے رحمت بنایا گیا ہے)۔

پیارے اسلامی بھائیو! معلوم ہوا؛ رَحمٰن اللہ پاک ہے، یہ صِفت بھی اللہ پاک کی ہے، نام بھی اللہ پاک ہی کا ہے، اللہ پاک کے عِلاوہ کسی کو بھی رحمٰن نہیں کہہ سکتے مگر اللہ پاک نے اپنی اس صفت کا مظہر اپنے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو بنایا ہے۔

Important

Mobile Apps

Contact Us