صَلُّوْا عَلَی الْحَبِیْب!                                               صَلَّی اللہُ  عَلٰی مُحَمّد

بَیان سُننے کی نیّتیں

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے!مثلاً نیت کیجئے! ٭عِلْم سیکھنے کے لئے پورا بیان سُنوں گا  ٭ با اَدب بیٹھوں گا ٭دورانِ بیان سُستی سے بچوں گا  ٭اپنی اِصْلاح کے لئے بیان سُنوں گا  ٭جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                            صَلَّی اللہُ  عَلٰی مُحَمّد

نبیِّ اکرم صَلَّی اللہُ عَلَیْہِ وَاٰلِہٖ وَسَلَّم کی اولادِکرام

پیارے اسلامی بھائیو!ربیع الاول کا مبارک مہینا ہمارے درمیان جلوہ گر ہے، ہر طرف مرحبا یا مصطفے کی دھومیں مچی ہوئی ہیں، پوری دنیا میں آپ صَلَّی اللہُ  عَلَیْہِ واٰلِہٖ وَسَلَّمَ کے فضائل و کمالات اور معجزات و خصائص کا ذکرہو رہا ہے۔اَلْحَمْدُ لِلّٰہ!اللہ کریم نے پیارے آقا،مکی مدنی مصطفے صَلَّی اللہُ  عَلَیْہِ واٰلِہٖ وَسَلَّمَ کو بیٹوں اور بیٹیوں کی نعمت سے بھی نوازا تھا۔تواسی مناسبت سے آج ہم  اپنے محبوب آقا، مکی مدنی مصطفےٰ صَلَّی اللہُ عَلَیْہِ واٰلِہٖ وَسَلَّمَ کی شہزادیوں کا ذکرِ خیر سنیں گے اور ان کی سیرت کے مختلف پہلوؤں کے بارے میں سُننے کی سعادت حاصل کریں گے۔

یاد رہے!حضور پُر نور،شافعِ یومُ الُّنشور صَلَّی اللہُ  عَلَیْہِ وَاٰلِہٖ وَسَلَّمکی مقدس اولاد کی تعداد سات (7) ہے۔ تین(3)صاحبزادے اورچار(4)صاحبزادیاں رِضْوانُ اللہِ عَلَیْہِمْ اَجْمَعِیْن۔(شرح المواہب، ۴/۳۱۳) حضور