کے لئے بَہُت زِیادہ دعائیں کرتے سنا،آپرَضِیَ اللہُ عَنْہااپنی ذات کے لئے کوئی دُعا نہ کرتیں،میں نےعرض کی:پیاری امّی جان!کیاوجہ ہےکہ آپ اپنے لئے کوئی دُعا نہیں کرتیں؟ فرمایا: پہلے پڑوس ہے پھر گھر۔(مَدَارِجُ النُّبُوَّت ، ج۲، قسم پنجم، باب اوّل در ذکر اولاد کرام،  ص۴۶۱)

آئیے!اب خاتونِ جنّترَضِیَ اللہُ عَنْہا کے  ذَوقِ تلاوت کےمُتعلق صحابَۂ  کرام عَلَیْہِمُ الرِّضْوَان  کے فرامین سُننے کی سعادت حاصل کرتے  ہیں ، چنانچہ 

مصروفیت میں بھی تلاوت 

                             حضرت سلمان فارِسیرَضِیَ اللہُ عَنْہُفرماتےہیں!میں ایک مرتبہ نبیِّ پاک صَلَّی اللہُ عَلَیْہِ واٰلِہٖ وَسَلَّمَ کےحکم سے فاطِمہرَضِیَ اللہُ عَنْہاکی خدمت میں حاضِر ہوا۔میں نےدیکھاکہ حضراتِ حَسَنَینِ کریمین رَضِیَ اللہُ عَنْہُما سورہےتھے،آپرَضِیَ اللہُ عَنْہاان کوپنکھا جھل رہی تھیں اور زبان سےکلامِ الٰہی کی تلاوت جاری تھی یہ دیکھ کرمجھ پرایک خاص حالتِ رِقّت طاری ہوئی۔(سفینۂ نوح، حصّہ دُوُم، ص۳۵)

کھانا پکاتے وقت بھی تلاوت

                             امیرُالمؤمنین حضرت علیُّ المرتضیٰرَضِیَ اللہُ عَنْہُفرماتےہیں: خاتون ِجنترَضِیَ اللہُ عَنْہا کھانا پکانے (Cooking) کی حالت میں بھی قرآنِ پاک کی تلاوت جاری رکھتیں۔(سفینۂ نوح، حصّہ دُوُم، ص۳۵)

پیارے اسلامی بھائیو!آپ نے سنا کہ خاتونِ جنّت  فاطِمہرَضِیَ اللہُ عَنْہا کو عبادت و تلاوت کاکس قدَر ذَوق وشو ق تھاکہ دن رات عبادت بجالاتیں اور گھریلومصروفِیّت کے دوران بھی زبان سےقرآنِ کریم کی تلاوت جاری رکھتیں۔افسوس!آج اکثر نوجوان پورا پورا دن کانوں میں ہینڈ فری (Earphones)لگا کر  بڑے اِنْہماک سے گانے سُنتےہوئے اپنے کاموں میں مگن رہتے ہیں اور ساتھ ساتھ اپنی زبان سے بھی  گُنگناتےجاتے ہیں، خواتین گھر کے کام کاج کے دوران گانے سنتی ہیں گویا  گانے