Book Name:Aala Hazrat Ki Wasiyatein
ډير وخت د درود او سلام لوستو نه پس اعلیٰ حضرت رَحْمَةُ اللهِ عَلَيْه بيا پۀ منبر باندې کيناستو او بيا يـې بيان شروع کړو۔ محفل ختم شو او ټول خپلو خپلو کورونو ته لاړل۔ پۀ بله ورځ د اعلیٰ حضرت رَحْمَةُ اللهِ عَلَيْه پۀ خدمت کښې حاضر شوم نو اومې ليدل چې يو سپين ګيرے صاحب د هغوئي پۀ خدمت کښې حاضر دے، د سترګو نه يـې اوښکې روانې دي۔ هغوئي ووئيل: د شپې زۀ پۀ محفل کښې موجود ووم، د جومات د مينځنۍ دروازې سره مې ډډه وهلې وه او ناست ووم، د بيان شريف پۀ اوريدو اوريدو کښې پۀ ما پرکالي راغله، څۀ ګورم چې پۀ ټول محفل باندې نُور راخور دے، بيا مې پۀ غوږونو د درود او سلام اواز واوريدو او سترګې مې وغړيدلې، چې اومې کتل نو اعلیٰ حضرت رَحْمَةُ اللهِ عَلَيْه درودِ پاک لوستلو۔
پۀ دې اوريدو بُرهان الحق رَحْمَةُ اللهِ عَلَيْه ووئيل: ما هم دا منظر د شپې پۀ محفل کښې وليدو۔ پۀ دې باندې اعلیٰ حضرت رَحْمَةُ اللهِ عَلَيْه وفرمائيل: د سرکارِ اعظم صَلَّى اللهُ عَلَيْهِ وَاٰلِهٖ وَسَلَّم کرم وو چې (د شپې پۀ محفل کښې يـې) تجلي وفرمائيله۔ ([1])
سُبْحٰنَ اللہ! خوږو او محترمو اِسلامي وروڼو! څومره ښکلے شان دے۔۔۔!! اَلْحَمْدُ لِلّٰہ! اعلیٰ حضرت رَحْمَةُ اللهِ عَلَيْه عظيم ترين عاشقِ رسول دے، دا هم د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ډير لوئي کرم وو چې اعلیٰ حضرت رَحْمَةُ اللهِ عَلَيْه کله بيان فرمائيلو نو خوږ محبوب صَلَّى اللهُ عَلَيْهِ وَاٰلِهٖ وَسَلَّم هٰغه وخت پۀ پاک محفل کښې تجلي وفرمائيله۔
خوږو او محترمو اِسلامي وروڼو! اعلیٰ حضرت رَحْمَةُ اللهِ عَلَيْه به بيان فرمائيلو، کله چې هغوئي پۀ دويم ځل حج له لاړو، د سمندري جاز سفر وو او سمندري جاز به جدې ته پۀ رسيدو کښې ډيرې ورځې تيرولې، د اعلیٰ حضرت رَحْمَةُ اللهِ عَلَيْه معمول مبارک وو چې روزانه به