د اعلیٰ حضرت رَحْمَةُ اللهِ عَلَيْه وصيتونه

Al Quran Books Madani Channel

Magazine Courses Media

اعلیٰ حضرت رَحْمَةُ اللهِ عَلَيْه به بيان فرمائيلو

خوږو او محترمو اِسلامي وروڼو! ٭ اعلیٰ حضرت رَحْمَةُ اللهِ عَلَيْه د حق معيار هم دے ٭ بے مثله مفتي هم دے ٭ بے مثله محدث هم دے ٭ بے مثله مفسر هم دے ٭ هم داسې هغوئي بے مثله واعظ، خوږو خبرو کولو والا خطيب هم دے۔ مفتي امجد علي اعظمي رَحْمَةُ اللهِ عَلَيْه فرمائي: د اعلیٰ حضرت رَحْمَةُ اللهِ عَلَيْه بيان به ډير بامعني، عِلمي او ډير اثر لرونکے وو۔ د هغوئي چرې هم داسې يو بيان نۀ وو شوے پۀ کوم کښې چې پۀ خلقو غونے ځيګ ځيګ شوے نۀ وي، چې کله به هغوئي بيان فرمائيلو نو د هر طرف نه به د الله پاک د ويرې او د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم د عشق پۀ وجه د ژړا اوازونه راتلل۔ ^{(^[1])}

پۀ پاک محفل کښې نُوراني تجلي

د اعلیٰ حضرت رَحْمَةُ اللهِ عَلَيْه خليفه بُرهانُ الدين جبل پور رَحْمَةُ اللهِ عَلَيْه وائي چې يو ځل د بمبۍ پۀ يو جومات کښې اعلیٰ حضرت رَحْمَةُ اللهِ عَلَيْه بيان کولو، زۀ هم حاضر ووم، پۀ جومات کښې د ښپې د ايښودو ځائے نۀ وو، يعنې د خلقو دومره رش وو چې پۀ جومات کښې ځائے نۀ وو۔ اعلیٰ حضرت رَحْمَةُ اللهِ عَلَيْه ډير ښکلے او علمي بيان وکړو، د بيان د شروع کيدو تقريباً يوه ګينټه شوې وه چې ناڅاپه پۀ ما پرکالي راغله، پۀ خوب کښې څۀ وينم چې يو عجيبه او زړۀ راښکونکے نُور پۀ ټول محفل باندې راخور دے۔ ما لا خوب ليدو چې پۀ غوږونو مې د درود او سلام اواز واوريدو، د کوم پۀ اوريدو چې زۀ راپاڅيدم۔ څۀ ګورم چې اعلیٰ حضرت رَحْمَةُ اللهِ عَلَيْه د منبر نه لاندې ولاړ دے، لاس پۀ نامه دے، د سترګو نه يـې اوښکې روانې دي او پۀ تيز اواز لولي:

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ

[1]...فیضانِ اعلیٰ حضرت، صفحہ:124۔

Important

Mobile Apps

Contact Us