خلق د سحر د نـمونځ د پاره راپاڅوو نو پۀ دې باندې د الله پاک شُکر ادا کړئ! که عادت نۀ وي نو د راپاڅولو عادت جوړ کړئ!

د سحر د نـمونځ د پاره خلق راپاڅول د الله پاک د خوږ حبيب  صَلَّى اللهُ عَلَيْهِ وَاٰلِهٖ وَسَلَّم ډير ښکلي سُنَّت هُم دي۔ حضرت اَبُو بَکرَه (يعنې نَقِيع بن حارِث) رَضِىَ اللهُ عَـنْهُ فرمائي چې زۀ د مدينے د سرکار، د زړونو د قرار صَلَّى اللهُ عَلَيْهِ وَاٰلِهٖ وَسَلَّم سره د سحر د نـمونځ د پاره روان شوم نو هغوئي به چې د کوم اودۀ کَس پۀ خوا باندې هم تيريدلو، هغۀ ته به يـې د نـمونځ د پاره اواز کولو۔ ^([1])

٭ د مسلمانانو د دويم خليفه حضرت عمر فاروقِ اعظم رَضِىَ اللهُ عَـنْهُ هم دغه انداز وو ^([2]) او ٭ د مسلمانانو څلورم خليفه حضرت عَلِـیُّ الْمُرْتَضٰـی رَضِىَ اللهُ عَـنْهُ به هم پۀ دې ښکلو ښکلو سُنَّتو باندې عمل کولو۔ ^([3])

٭ تاسو هم دا سُنَّت اختيار کړئ! د سحر د نـمونځ د پاره خلق راپاڅوئ! اِنْ شَآءَ اللہُ الْکَرِیم! ډير برکتونه به درنصيب شي ٭ چې نور راپاڅوئ نو پخپله به درته هم د جَمعې سره د سحر د نـمونځ کولو سعادت درنصيب کيږي ٭ سحر سحر به مو د نيکۍ د دعوت عام کولو ثواب نصيب کيږي ٭ ستاسو پۀ راپاڅولو چې څومره خلق نـمونځ کوي، د هغوئي د ټولو د نـمونځونو ثواب به هغوئي ته هم ميلاويږي او اِنْ شَآءَ اللہُ الْکَرِیم! ستاسو پۀ اعمال نامه کښې به هم ليکلے کيږي۔ ٭ سحر وختي به درته د پيدل تللو موقع ميلاويږي نو صحت به مو هم ښۀ کيږي ٭ يوه اهمه فائده دا هم ده چې جومات ته به خلق ډير راځي۔ الله پاک دې د عمل کولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔