Book Name:Aala Hazrat Ki Wasiyatein
کرتے ہیں٭گھر گھر،دُکان دُکان جا کر نیکی کی دعوت پیش کی جاتی ہے٭لوگوں کو مسجد میں آنےکی دَعْوت دی جاتی ہے٭نمازوں کی ترغیب دِلائی جاتی ہے٭ہم اسے علاقائی دورہ کہتے ہیں۔آپ بھی عاشقانِ رسول کے ساتھ مل کر علاقائی دَوْرہ کیا کیجیے! اِنْ شَآءَ اللہ الْکَرِیْم! ٭سُنّتِ انبیا پر عَمَل کی سَعَادت ملے گی٭نیکی کی دَعْوَت عام کرنے کا ثواب ملے گا٭حدیثِ پاک کے مطابق نیکی کی راہ دکھانے والا، نیکی کرنے والے جیسا ہے([1])٭اگر ہماری نیکی کی دعوت سے ایک شخص بھی نیک نمازی بن گیا تو یقین مانیے! وارے ہی نیارے ہو جائیں گے۔
صَلُّوْا عَلَی الْحَبِیْب! صَلَّی اللہ عَلٰی مُحَمَّد
عاشقانِ رسول کا ایک قافلہ (گجرات ، ہند) پہنچا،شرکائے قافلہ علاقائی دورہ کرنے کے لیے مسجد سے باہر تشریف لے گئے، دورانِ علاقائی دورہ ایک شرابی کو سمجھایا گیا، اَلحمدُ لِلّٰہ! وہ شرابی قافلے والوں کے ساتھ مسجد کی طرف چل پڑا، اسلامی بھائی اس کے ساتھ اس قدر با اخلاق طریقے سے پیش آئے کہ وہ 6دن تک قافلے والوں کے ساتھ رہا ، علاقائی دورہ کی برکت اور عاشقانِ رسول کی صحبت کے سبب اس نے گناہوں سے توبہ کی ،داڑھی مبارَک بڑھا لی، عمامہ شریف کا تاج بھی سر پر سجا لیا اور قافلوں کا مسافر بھی بن گیا۔
گر آئے شرابی مٹے ہر خرابی چڑھائے گا ایسا نشہ دینی ماحول
تُو آ بے نَمازی، ہے دیتا نمازی خدا کرم سے بنا دینی ماحول
صَلُّوْا عَلَی الْحَبِیْب! صَلَّی اللہ عَلٰی مُحَمَّد