Book Name:Aala Hazrat Ki Wasiyatein
1500 واں جشن کی زیادہ دُھوم کیوں؟
اَلحمدُ للہ ! دُنیا بھر میں 1500 واں جشنِ وِلادت کی دُھوم مچی ہوئی ہے۔عاشقانِ رسول خُوش ہیں، کوششیں جاری ہیں کہ اِس بار پہلے سے زیادہ بڑھ چڑھ کر میلاد منایا جائے گا۔ اللہ پاک ہمیں توفیق نصیب فرمائے۔
1500 واں جشنِ ولادت مرحبا! صد مرحبا! آئے شاہِ ختمِ نبوت مرحبا! صد مرحبا!
آئے تاجدارِ رسالت مرحبا! صد مرحبا! آئے جہاں میں جانِ رحمت مرحبا! صد مرحبا!
صاحبِ عظمت و شان و شوکت مرحبا! صد مرحبا! سب سے بڑی اللہ کی نعمت مرحبا! صد مرحبا!
آمنہ چمکی تیری قسمت مرحبا! صد مرحبا! گود میں آئی ربّ کی رحمت مرحبا! صد مرحبا!
ذِہنوں میں سُوال اُٹھ رہے ہوں گے کہ اگر 1500 واں جشنِ وِلادَت ہے تو اس میں پِھر اَنوکھی کیا بات ہے؟ اِس میں اَنوکھی بات ہے۔ دیکھیے! اللہ پاک فرماتا ہے:
وَ لَلْاٰخِرَةُ خَیْرٌ لَّكَ مِنَ الْاُوْلٰىؕ(۴) (پارہ:30، سورۂ الضحیٰ:4)
تَرجَمۂ کَنزالْعِرفَان:اور بیشک تمہارے لیے ہر پچھلی گھڑی پہلی سے بہتر ہے۔
یعنی ہمارے پیارے آقا، مکی مَدَنی مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی پہلے سے یہ شان ہے کہ آپ اِنتہائی اُونچا رُتبہ رکھتے ہیں، جب سے اللہ پاک نے آپ کو پیدا فرمایا، تب سے اب تک آپ ہی سب سے افضل، سب اعلیٰ، سب کے آقا، سب کے حاجت روا ہیں۔
بَعْدْ اَزْ خُدَا بُزُرْگ تُوئِی قِصَّۂ مُخْتَصر
پِھر نہایت افضل و اعلیٰ رُتبے کے ساتھ اللہ پاک نے آپ کو یہ شان بھی بخشی ہے کہ ہر لمحے آپ کی شانوں میں اِضافہ ہی اِضافہ ہوتا جا رہا ہے، ہر آنے والا لمحہ، ہر آنے والا