کول پکار، د کوم له وجهې چې خلق زمونږ پۀ باره کښې پۀ بد ګمانۍ کښې اخته شي۔

د خوږ آقا صَلَّى اللهُ عَلَيْهِ وَاٰلِهٖ وَسَلَّم ښکلے انداز

 پۀ بُخاري شريف کښې روايت دے، حضرت صَفِيَّه رَضِىَ اللهُ عَـنْها کومه چې د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم کور ودانې ده، يو ځل رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم اعتکاف ته ناست وو، حضرت صفيه رَضِىَ اللهُ عَـنْها د ملاقات د پاره جومات ته حاضره شوه، (پۀ هٰغه وخت کښې زنانؤ ته جومات ته د حاضريدو اِجازت وو، وروستو منع کړے شوې، خير!) خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د واپسۍ پۀ وخت د هغې د رخصتولو د پاره د جومات د دروازې پورې تشريف راوړو، چې د دروازې خوا له راورسيدو نو اوئې کتل چې 2 صحابۀ کرام رَضِىَ اللهُ عَـنْهما پۀ کوڅه تيريږي، ظاهره ده چې حضرت صَفِيَّه رَضِىَ اللهُ عَـنْها به نقاب وغيره کړے وو، رسولِ اکرم صَلَّى اللهُ عَلَيْهِ وَاٰلِهٖ وَسَلَّم هٰغه صحابؤ ته وفرمائيل: دا صَفِيَّه (زما کور ودانې) ده۔

چې د صحابۀ کرامو رَضِىَ اللهُ عَـنْهُم پۀ شان عظيم عاشقان وي، مخې ته يـې د محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم پۀ شان هستي وي، دا ممکنه نۀ ده چې د صحابۀ کرامو رَضِىَ اللهُ عَـنْهُم پۀ زړونو کښې د خوږ محبوب صَلَّى اللهُ عَلَيْهِ وَاٰلِهٖ وَسَلَّم پۀ باره کښې څۀ منفي خيال راشي، د دې باوجود آقا صَلَّى اللهُ عَلَيْهِ وَاٰلِهٖ وَسَلَّم هغوئي ته ووئيل چې دا زما کور ودانې ده۔ صحابۀ کرامو رَضِىَ اللهُ عَـنْهما پۀ ادب سره عرض وکړو: سُبْحٰنَ اللہ! يا رسولَ الله          صَلَّى اللهُ عَلَيْهِ وَاٰلِهٖ وَسَلَّم! يعنې اے خوږه محبوبه صَلَّى اللهُ عَلَيْهِ وَاٰلِهٖ وَسَلَّم ! زمونږه داسې ګمان هم نۀ شي کيدے چې ستاسو پۀ باره کښې څۀ منفي خبره پۀ زړۀ کښې راولو۔ حُضُورِ اَکرم            صَلَّى اللهُ عَلَيْهِ وَاٰلِهٖ وَسَلَّم وفرمائيل: بے شکه شيطان د انسان د وينې سره پۀ رګونو کښې منډې