٭ د کچه اوګې او د پيازو والا مختلفې چکنيانې مو وخوړلې، ٭ پۀ دهي بهلے او ګول ګپو وغيره کښې عام طور کچه پياز اچولے کيږي، چې هغه وخورې نو د خُلې نه بد بوئي ځي، پۀ داسې حالت کښې جومات ته تلل منع دي۔^([1]) ځکه چې جومات د الله پاک کور دے، پۀ قرآنِ کريم کښې دي:

اَنَّ الْمَسٰجِدَ لِلّٰهِ (پارہ:29، سورۀ جن:18)

ترجمهٴ کنزُ العِرفان: دا چې جوماتونه هُم د الله دي۔

 ځکه زمونږ د ټولو وړومبے حق جوړيږي چې جوماتونه د بد بوئي نه لازمي طور بچ کړے شي۔ د اعلیٰ حضرت رَحْمَةُ اللهِ عَلَيْه کمال تقویٰ ته وګورئ چې د ماچس د بلولو نه صرف يو څو سيکنډه بد بوئي ځي، د دې باوجود د اعلیٰ حضرت رَحْمَةُ اللهِ عَلَيْه پۀ جومات مبارک کښې د ماچس د بلولو اجازت هم نۀ وو۔ پۀ يخنۍ کښې چې کله پۀ جومات کښې هيټر وغيره لګوي نو ماچس عام طور پۀ جومات کښې بلوي، حالانکه ماچس په جومات کښې بلول نۀ دي پکار۔ مونږ له پکار دي چې مونږ د جومات پخپله ادب او احترام کوو او هر هٰغه کار، هر هٰغه عمل، هر هٰغه انداز د کوم سره چې پۀ جومات کښې بوئي راځي، د جومات بے ادبي کيږي، د داسې کارونو نه مونږ لازمي طور ځان بچ ساتو۔

(3): د بد ګمانۍ نه بچ کيدل هم خير خواهي ده

خوږو او محترمو اِسلامي وروڼو! د سيرتِ رضا د دې ښکلې واقعې نه يو اهم سبق دا هم ميلاؤ شو چې خلق د بد ګمانۍ نه بچ کول هم پۀ مونږ باندې لازم دي۔ هر هٰغه کار کوم چې نور خلق پۀ بد ګمانۍ کښې اخته کولے شي، مونږ له پکار دي چې د هٰغه کار نه ځان وساتو۔ دا ډيره لويه خير خواهي ده۔