Book Name:Aala Hazrat Khair Khwaah e Ummat
وړومبۍ خبره دا د زدکړې د پاره ميلاؤ شوه چې د شريعت، د دِين، د عِلم خبرې صرف نورو ته د وئيلو د پاره نۀ دي بلکې پخپله د عمل کولو د پاره هم دي، يعنې دِيني خبرې نورو ته بيانول يقيناً چې ضروري دي، البته پۀ دې باندې عمل کول، د دې نه هم زيات ضروري دي۔ الله پاک پۀ قرآنِ کريم کښې فرمائي:
كَبُرَ مَقْتًا عِنْدَ اللّٰهِ اَنْ تَقُوْلُوْا مَا لَا تَفْعَلُوْنَ(۳) (پارہ:28، سورۀ صف:3)
ترجمهٴ کنزُ العِرفان: د الله پۀ نزد دا ډيره ناخوښه خبره ده چې تاسو هٰغه ووايۍ څۀ چې اونه کړئ۔
معلومه شوه چې نورو ته نصيحت کول، ښې ښې خبرې بيانول او پخپله پرې عمل نۀ کول، ډيره سخته او شديده خبره ده، د الله پاک هيڅکله هم دا خبره خوښه نۀ ده۔
پۀ حديثِ پاک کښې دي: رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: د مِعراج پۀ شپه ما وليدل چې د ځينو خلقو شونډې د وور پۀ قينچيانو پريکړے کيدلې۔ جبريلِ امين عَلَیْهِ السَّلَام وفرمائيل: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! دا ستاسو د اُمت واعظان (يعنې نصيحت کوونکي) دي، دوئي به هٰغه خبرې کولې، پۀ کومو باندې به چې يـې پخپله عمل نۀ کولو۔([1])
اَللہُ اَکْبَر! خوږو او محترمو اِسلامي وروڼو! غور وکړئ چې دا څومره سخت عذاب دے۔ مونږ دې پۀ خپل ځان باندې غور وکړو، څومره داسې دي کوم چې نورو ته د نصيحتونو ښکلې ښکلې خبرې کوي، ژبه چې ده، د دې خوند ډير خوندور دے، چې کله دا خبرې