Book Name:Aala Hazrat Khair Khwaah e Ummat
عمل کول، د غيرو د نقل کولو نه بچ کيدل دا دواړه لازمي دي، که مونږ دا دواړه خبرې اختيار کړو نو اِنْ شَآءَ اللہُ الْکَرِیم! پۀ دُنيا او پۀ اخرت کښې زمونږه تشه کاميابي ده۔ الله پاک دې د عمل کولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔
خوږو او محترمو اسلامي وروڼو! نن 14 اګست دے۔ هٰغه ورځ چې کله الله پاک مونږ ته د بېشمېره قربانيانو نه پس يو آزاد اسلامي رياست راعطا کړو۔ په کوم کښې چې مونږه په آزادئ سره په اسلامي احکامو عمل کولے شو۔ دا ملک زمونږه د پاره د الله پاک يو ډير لوئي عظيم نعمت دے۔
د سوچ کولو خبره ده! چې ٭ آيا مونږه د دې نعمت قدر اوکړو؟٭ آيا مونږه د شهيدانو د قربانيانو حق ادا کړو؟٭ د کوم مقصد د پاره چې دا ملک جوړ کړے شوے وو آيا د هٰغه مقصد په پوره کولو کښې مونږ خپل کردار ادا کړو؟٭ آيا مونږه د دې پاکې زمکې په رښتيا د پاکولو کوشش اوکړو؟
خوږو او محترمو اسلامي وروڼو! د 14 اګست ورځ عامه ورځ نۀ ده بلکې د وفا د وعدې تازه کولو ورځ ده، دا ورځ مونږ ته دا پيغام راکوي چې:٭ مونږه خپلو شهيدانو ته خراجِ عقيدت پيش کړو، د هغوئي د پاره د فاتحې او ايصالِ ثواب اهتمام اوکړو۔٭ دا ورځ مونږ ته پيغام راکوي چې مونږه په مکمله توګه اسلام په خپل ځان نافذ کړو۔٭ دا ورځ مونږ ته پيغام راکوي چې مونږه دا پاکه زمکه د دروغو، غيبت، چغلئ، وعده خلافئ، سود او نورو ګناهونو نه د پاکولو کوشش اوکړو۔٭ دا ورځ مونږ ته پيغام راکوي چې مونږه د خپل ملک په سرسبزه [او شين] جوړولو کښې خپل کردار ادا کړو۔
اَلْحَمْدُ لِلّٰہ! د عاشقانِ رسول ديني تنظيم دعوتِ اسلامي په دې کارونو کښې وړاندې وړاندې