Book Name:Aala Hazrat Khair Khwaah e Ummat
(Contact List) کولاو کړو! اوئې ګورو! پۀ هغې کښې د څومره کسانو نمبرې سيو دي، يقيناً چې د چا نمبر سيو دے، چرته به ستاسو د هغوئي سره څۀ نا څۀ تعلق ضرور پاتې شوے وي، اوس لږ غور وکړئ! چې کله مونږ نـمونځ کوو، د خپل رَبّ پۀ حضور کښې د دُعا د پاره لاسونه اوچتوو، مونږ د خپل ځان د پاره ډير څۀ غواړو، مثلاً ٭ مولیٰ! ما ته د دُنيا خيرونه هم راعطا کړې ٭ مولیٰ! ما ته د آخرت خيرونه هم راعطا کړې ٭ مولیٰ! زما کور کلے ښۀ کړې ٭ اے رَبِّ کريمه! زما بال بچ ښۀ کړې ٭ زما اهل و عيال ښۀ کړې۔
چرته غور وکړئ چې زمونږ پۀ موبائل کښې چې دا دومره نمبرې سيو دي، پۀ دې کښې ٭ زمونږ د وروڼو نمبرې شته ٭ د عزيزانو خپلوانو نمبرې شته ٭ د دوستانو ملګرو نمبرې شته ، آيا مونږ چرته د هغوئي د پاره هم دُعا کړې ده۔۔۔؟ آيا چرته د دُعا کولو پۀ وخت مو دا خلق پۀ خيال کښې راغلي دي؟ د ډير لرې خبرې نه کووم، دا هٰغه خلق دي د کومو سره چې زمونږه څۀ نا څۀ تعلق دے يا پاتې شوے وو۔ مونږ د دوئي د پاره هم دُعا نۀ کوو، د اعلیٰ حضرت رَحْمَةُ اللهِ عَلَيْه شان ته وګورئ! چې هغوئي د خپلو خپلوانو، دوستانو تر دې پورې چې د خپلو مُريدانو د نومونو هم يو لسټ جوړ کړے وو او قربان شم! فرمائي: دا ټول نومونه ما ته زباني ياد دي او زۀ روزانه د نوم اخستو سره د دوئي د پاره دُعاګانې کووم۔
د اعلیٰ حضرت رَحْمَةُ اللهِ عَلَيْه عادت مبارک وو چې هغوئي به عام طور پۀ جنازو کښې شرکت کولو او د جنازې چې څومره هُم دُعاګانې پۀ حديثونو کښې راغلې دي، ټولې به يـې لوستلې۔ پۀ بريلي شريف کښې نواب عزيز احمد نومې يو صاحب اوسيدو۔ پۀ ظاهره د هغوئي ژوند پۀ نيک اعمالو کښي نۀ وو تير شوے، چې هغوئي کله وفات شول نو اعلیٰ حضرت رَحْمَةُ اللهِ عَلَيْه د هغوئي جنازه وکړه۔ وروستو هٰغه نواب عزيز احمد صاحب د هغوئي