Book Name:Aala Hazrat Khair Khwaah e Ummat
چرې اختيار کړے شي نو د دې پۀ برکت مسلمانان پۀ ټوله دُنيا کښې ترقي او کاميابي حاصلولے شي۔
خوږو او محترمو اِسلامي وروڼو! نيت وکړئ چې مونږ به د خپل خوږ وطن د پاره، د خپلې ترقۍ او کاميابۍ د پاره دا دواړه طريقې عملي طور لازمي اختياروو۔
(1): همدرد او خير خواه جوړ شئ!
وړومبے نصيحت دا چې مونږ ته (عام طور د ټولې دنيا د مسلمانانو خصوصاً) د خپل خاندان، محلې، ښار او د ټول ملک د هر يو مسلمان د پاره خير خواه او همدرد جوړيدل دي۔ ٭زما د طرف نه يو پاکستاني ته هم هيڅ قِسمه تکليف نۀ دي رسيدل پکار، ٭تکليف خو غټه خبره ده پۀ ما باندې لازم دي چې د هر يو مسلمان عاشق رسول صرف او صرف خير غواړم، پۀ يو وخت، پۀ يو ساعت او پۀ يو حالت کښې هم د چا هيڅکله هم څۀ بد نۀ غواړم ٭ که څوک زما ما تحت دے يا زما مشر دے ٭ زما رشته دار دے يا ګاؤنډي دے ٭ دوست دے او که نۀ دے٭ پيژندګلو والا دے او که نا اشنا دے ٭ که هر يو عاشقِ رسول دے، ما ته د هغۀ صرف او صرف هم خير غوښتل دي۔
د مسلمان خير خواهي فرضِ عَين ده
اعلیٰ حضرت رَحْمَةُ اللهِ عَلَيْه فرمائي: د زړۀ نه د مسلمان خير خواهي فرضِ عَين ده۔([1]) يعنې چې زمونږ پۀ زړۀ کښې چرې هم د يو مسلمان بد رانشي، مونږ د زړۀ نه د هر مسلمان صرف او صرف خير غواړو، دا هم داسې فرض دي، لکه څنګه چې نـمونځ فرض