Book Name:Aala Hazrat Khair Khwaah e Ummat
اوږده ده، د هغوئي د سيرت يو يو اړخ د اُمت د خير خواهۍ د پاره وقف پۀ نظر راځي۔
اَلْحَمْدُ لِلّٰہ! نن 14 اګست دے، دا هٰغه ورځ ده چې د نن نه تقريباً 78 کاله مخکښې پۀ 14 اګست کال 1947 عيسوۍ زمونږه خوږ وطن پاکستان ازاد شوے وو، د مسلمانانو يو ازاد اِسلامي رياست نصيب شوے وو، د پاکستان د وجود چې کوم بنياد دے يعنې دوه قومي نظريه، پۀ بر صغير کښې د دوه قومي نظريې باني او د دې مکمل طور څوکئ کوونکے هم اعلیٰ حضرت رَحْمَةُ اللهِ عَلَيْه دے۔
يقين وکړئ چې د دې دوه قومي نظريې د څوکيدارۍ کولو د پاره اعلیٰ حضرت رَحْمَةُ اللهِ عَلَيْه دومره قربانۍ ورکړې دي، دومره قربانۍ ورکړې دي چې مونږ سوچ هم نۀ شو کولے۔
دوه قومي نظريه د تاريخ پۀ آئينه کښې
هسې خو چې کومه دوه قومي نظريه ده، دا قرآني نظريه ده، پۀ قرآنِ کريم کښې صفا طور د دوه قومي نظريې تعليم موجود دے، الله پاک فرمائي:
قُلْ یٰۤاَیُّهَا الْكٰفِرُوْنَۙ(۱) لَاۤ اَعْبُدُ مَا تَعْبُدُوْنَۙ(۲) (پارہ:30، سورۀ کافرون:1-2)
ترجمهٴ کنزُ العِرفان: تۀ وفرمايه! اے کافرو! زۀ د هغوئي عبادت نۀ کووم د کومو چې تاسو عبادت کوئ۔
پۀ قرآنِ کريم کښې دا پوره سُورت دے، سورۀ کافِرُون۔ پۀ دې ټول سُورت کښې دوه قومي نظريه ده۔
د بر صغير که چرې خبره وکړے شي نو دلته د ټولو نه وړومبے دوه قومي نظريه حُضُور مجدِّد الف ثاني رَحْمَةُ اللهِ عَلَيْه بيان کړه۔([1]) او که مونږه د پاکستان د ازادۍ پۀ تحريک کښې