Book Name:Aala Hazrat Khair Khwaah e Ummat
شي نو د سَر نه تر اخره پورې د هغوئي ټول ژوند مونږ ته د اُمَّت د خير خواهۍ، ښيګړې او ترقۍ د پاره وقف پۀ نظر راځي۔
د هغوئي د خير خواهۍ د جذبې اندازه د دې نه ولګوئ چې اعلیٰ حضرت اِمام احمد رضا خان رَحْمَةُ اللهِ عَلَيْه څه کم يا زيات زر [1000] کتابونه ليکلي دي، هغوئي به روزانه صرف د يوې نيمې نه تر دوو ګينټو پورې ارام فرمائيلو([1]) او باقي ټول وخت به هغوئي پۀ تصنيف و تاليف [يعني کتابونو ليکلو] او د اُمت د خير خواهۍ، ښيګړې او اِصلاح او پۀ نورو ديني کارونو کښې تيرولو۔
تاسو اندازه ولګوئ چې دا څومره لويه قرباني ده، يقين وکړئ چې که اعلیٰ حضرت رَحْمَةُ اللهِ عَلَيْه دومره کتابونه نۀ وو ليکلي نو نن به مسلمان اُمت پۀ ډيرو دِيني مسئلو کښې محتاجه وو۔ د نوو نوو پيدا کيدونکو مسئلو حل او د دِين د عقيدو تشريحات که اعلیٰ حضرت رَحْمَةُ اللهِ عَلَيْه خپل خوب او ارام نۀ وے قربان کړے، پۀ دې باندې يـې ليکل نۀ وے کړے نو نن به د دغه مسئلو حل راويستل نا ممکن که نۀ وو نو ډير ګران به ضرور وو۔ خو قربان شم! اعلیٰ حضرت رَحْمَةُ اللهِ عَلَيْه د اُمت د خير خواهۍ د جذبې لاندې خوب او ارام قربان کړو، شپه ورځ يـې پۀ ځان يو کړل او پۀ ډير محنت او خوارۍ مسلسل پۀ کار، کار او کار کښې مصروف وو، تر دې پورې چې که هغوئي به بيمار شو، طبيعت به يـې ښۀ نۀ وو نو د طبيعت پروا کولو بغير به هم د ليکلو پۀ کار کښې مصروف اوسيدو د پاره د دې چې اُمت ته فائده ورسي۔
د اعلیٰ حضرت رَحْمَةُ اللهِ عَلَيْه د دومره ډيرو کتابونو ليکلو نه مونږ ته نن کومې کومې فائدې رارسي، د دې يوه نظاره تاسو ته وړاندې کووم۔