سکڻ  ۽  سيکارڻ جي حلقن جو  جدول

 (1): مختلف موضوعن تي مختصر بيان: 5 منٽ (2): دُعا ياد ڪرائڻ: 5 منٽ (3): جائزو: 5 منٽ ڪُل وقت: 15 منٽ

 اڄ جي سکڻ ۽ سيکارڻ وارن حلقن ۾ مهمانن  جا   3 حق  جي متعلق ٻڌايو ويندو ۽ ڪُڪُڙَ   جي  آذان  ٻُڌِي  پڙهڻ   واري   دعا  ياد ڪرائي ويندي ۽ آخر ۾ نيڪ اعمال جي رسالي مان اجتماعي جائزو به ورتو ويندو. اِنْ شَآءَ اللہُ الْکَرِیم!

دُرُود شريف جي فضيلت

آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم جو فرمان آهي: جيڪو مون تي هڪ ڀيرو درود شريف پڙهندو آهي الله پاڪ ان جي لاءِ هڪ قيراط اجر لکندو آهي ۽ قيراط اُحد جبل جيترو آهي. ^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

مهمانن  جا  3  حق

آيت مبارڪه

قرآن ڪريم ۾ بيان ٿيو آهي ته هڪ ڀيري ڪجهه فرشتا انساني صورت ۾ حضرت ابراهيم عَلَیْہ السَّلَام  وٽِ تشريف کڻي آيا، پاڻ انهن کي مهمان سمجهيائون ۽ سندن مهمان نوازي ۾ جلدي فرمايائون، ارشاد ٿئي ٿو:

فَرَاغَ اِلٰۤى اَهْلِهٖ فَجَآءَ بِعِجْلٍ سَمِیْنٍۙ(۲۶) (پارو: 26، سورة الذٰاريٰت: 26)

ترجمو ڪنزالعرفان: پوءِ ابراهيم پنهنجي گهر وارن جي طرف ويا ته هڪ ٿلهو متارو گابو آندائين.