سیکھنے سِکھانے کے حلقوں کا جدول

(1):مختلف مَوضوعات پرمختصربیان:5منٹ (2):دُعا یاد کرنا:5 منٹ (3):جائزہ :5 منٹ۔کُل دورانیہ:15منٹ

آج کے سیکھنے سکھانے کے حلقوں میں مہمانوں  کے  3 حقوقکے عنوان پر مفید  ترین  معلومات دی جائیں گی اور مرغ کی بانگ سُن کر پڑھنے کی دُعا یاد کروائی جائے گی۔اور آخر میں نیک اعمال کے رسالے سے اجتماعی  جائزہ بھی لیا جائے گا۔اِنْ شاۤء اللہُ الکَرِیْم !

دُرُود شریف کی فضیلت

فرمانِ آخری نبی، رسولِ ہاشمی صلی اللہُ عَلَیْہِ وَ آلِہٖ وَسَلَّم: جو مجھ پر ایک بار دُرُود شریف پڑھتا ہے اللہ پاک اُس کے لیے ایک قِیْراط اَجْر لکھتا ہے اور قِیْراط اُحُد پہاڑ جتنا ہے۔^([1])

صَلُّوْا عَلَی الْحَبیب!                                                                             صَلَّی اللّٰہُ عَلٰی مُحَمَّد

مہمانوں کے  3 حقوق

آیتِ مبارکہ

قرآنِ کریم میں بیان ہوا کہ ایک مرتبہ چند فرشتے انسانی شکل میں حضرت ابراہیم عَلَیْہ السَّلَام کے پاس آئے، آپ نے انہیں مہمان سمجھااور ان کی مہمانی میں جلدی فرمائی، ارشاد ہوتا ہے:

فَرَاغَ اِلٰۤى اَهْلِهٖ فَجَآءَ بِعِجْلٍ سَمِیْنٍۙ(۲۶)

(پارہ:26،سورۂ الذٰاریٰت:26)                                                                                                       

تَرْجَمَۂ کَنْزُالْعِرْفَان: پھر ابراہیم اپنے گھر والوں  کی طرف گئے تو ایک موٹا تازہ بچھڑا لے آئے۔

حکیم الامت مفتی احمد یار خان نعیمی رَحمۃُ اللہِ عَلَیْہ فرماتے ہیں : اِس سے  معلوم ہوا مہمان کی تَواضُع (یعنی آؤبَھگَت)کرنا سنّت ہے، اگرچہ اُس (مہمان)سے واقفیت نہ ہو۔ ^([2])