Book Name:Faiz e Data Huzoor
مبارک کښې ژوندي دي ٭ که غواړي نو خپلو عاشقانو ته ديدار هم ورکوي او ٭ د الله پاک پۀ عطا سره د هغۀ پۀ ورکړے شوي طاقت سره د خپلو عاشقانو مشکلات هم اسانوي۔
د داتا حُضُور رَحْمَةُ اللهِ عَلَيْه فيضان پۀ ټولو ښارونو کښې
حضرت مُجَدِّد اَلف ثاني رَحْمَةُ اللهِ عَلَيْه فرمائي: زما پۀ نزد لاهور ښار د برِّ صغير پۀ ټولو ښارونو کښې قُطب دے، د دې ښار خير او بَرَکت د برِّ صغير پۀ ټولو ښارونو کښې خور دے۔ ([1])
بابا غُلام فريد بټالوي رَحْمَةُ اللهِ عَلَيْه يو بزرګ تير شوے دے، لږه زمانه يـې کيږي، دومره مخکښينے نۀ دے۔ د هغوئي پۀ زړۀ کښې يو خواهش وو چې پۀ څۀ طريقه يـې د الله پاک قُرب نصيب شي، د باطِن صفائي وشي او د زړۀ دروازې يـې برسيره شي۔ د دې خواهش د پاره به يـې عبادتونه کول، رياضتونه کول، د بزرګانو پۀ خدمت کښې به حاضريدلو خو څۀ چې يـې مقصد وو هغه حاصل نۀ شو، ډير مايوسه شو، دومره مايوسه شو چې د خود کشۍ کولو ذِين يـې جوړ کړو، دې مقصد د پاره يـې زهر هم واخستل۔
خو د الله پاک پۀ رحمت سره پۀ هغوئي باندې کرم وشو، چې اودۀ شو نو بخت يـې رابيدار شو، حُضُور داتا ګنج بخش علي هجويري رَحْمَةُ اللهِ عَلَيْه د قِسمت ښۀ کولو د پاره پۀ خوب کښې تشريف راوړو، د هغوئي سره يو بل بزرګ هم موجود وو، داتا حُضُور رَحْمَةُ اللهِ عَلَيْه د بابا غُلام فريد مسئله هٰغه بزرګ ته وسپارله۔ چې سترګې يـې وغړيدلې نو خوشحاله وو، د خود کشۍ خرابه اِراده يـې هم پريښوده خو بيا پۀ سوچ کښې شو چې هٰغه بزرګ څوک وو؟ د هغوئي سره به څنګه ميلاؤيږم؟ يو ځل د يو دوست سره ناست وو او خبرې يـې کولې، دوست ووئيل: که د زړۀ مُراد غواړې نو د پير مهر علي شاه صاحب رَحْمَةُ اللهِ عَلَيْه پۀ خِدمت کښې حاضر شه!