کولو والا څوک هم نۀ وو، نبي کريم صَلَّى اللهُ عَلَيْهِ وَاٰلِهٖ وَسَلَّم چا له جواب ورکړو؟ د دې پۀ وضاحت کولو يـې وفرمائيل: اے اسماء! دا جعفر دے کوم چې د حضرت جبرائيل او ميکائيل علَيهِما السَّلام سره روان وو، هغوئي ما ته سلام وکړو او جعفر ما ته ووئيل چې پۀ جنګ کښې زما وجود 73 ځائے زخمي شوے وو، ما اِسلامي جنډا پۀ ښي لاس کښې ونيوله، زما هٰغه لاس کټ کړے شو، بيا ما اِسلامي جنډا پۀ ګڅ لاس کښې ونيوله، زما هٰغه لاس هم کټ کړے شو، الله پاک د هٰغه لاسونو پۀ ځائے ما ته 2 وَزَرې راعطا کړې دي، د کومو پۀ ذريعه چې زۀ د فرښتو سره الوځم او چرته چې غواړم، کوزيږم۔ ^([1])

اِمامِ حاکِم پۀ مستدرک کښې روايت کړے دے، سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم فرمائي: يوه شپه ما جعفر وليدو، د هغۀ دوه وزرې وې او هغۀ د فرښتو د يوې ډَلې سره الوتلو۔ ^([2])

سُبْحٰنَ اللہ! معلومه شوه چې د الله پاک نيکان بندګان، اوليائے کرام چې کله د دې دُنيا نه رخصت شي، د هغوئي رُوحونه د وجودونو نه جُدا شي نو داسې نۀ وي چې مَعَاذَ الله! هغوئي مړۀ شي او فَنَا شي، نا۔۔۔!! نا۔ بلکې هغوئي ژوندي دي، هغوئي ته مختلفې ډيوټيانې سپارلے کيږي۔

د داتا حُضُور رَحْمَةُ اللهِ عَلَيْه فيض

خوږو او محترمو اِسلامي وروڼو! اَلْحَمْدُ لِلّٰہ! د قرآنِ پاک او د حديثونو نه دا خبره ثابت ده چې اوليائے کرام پۀ خپلو خپلو مزارونو کښې ژوندي دي، د هغوئي رُوحونه مختلف کارونه کوي، پۀ هغې کښې يو کار د خپلو عقيدت مندو مدد کول هم دي۔ اَلْحَمْدُ لِلّٰہ! ٭ حُضُور داتا ګنج بخش علي هجويري رَحْمَةُ اللهِ عَلَيْه هم کامِل وَلِيِّ وو ٭ سيد هم وو ٭ ډير لوئي عالِم فاضل هم وو ٭ د ولايت اوچتې مرتبې ته هم رسيدلے وو ٭ هغوئي هم پۀ خپل مزار