د داتا حُضُور فيض

Al Quran Books Madani Channel

Magazine Courses Media

د داتا حُضُور رَحْمَةُ اللهِ عَلَيْه تعليمات

خوږو او محترمو اِسلامي وروڼو! حُضُور داتا ګنج بخش علي هجويري رَحْمَةُ اللهِ عَلَيْه ډير د اوچتې مرتبې هستي ده، د الله پاک پۀ فضل د هغوئي دربار عالي شان ته د حاضريدونکو مرادونه پوره کيږي او اِنْ شَآءَ اللہُ الْکَرِیم! تر قيامته پورې به هم دغه شان پوره کيږي۔ رَبِّ کريم دې مونږه ټول د اوليائے کرامو عقيدت مند لري۔

يوه خبره کومه چې عرض کول غواړم، هغه دا ده چې د اوليائے کرامو کرامات يقيناً چې حق دي، دا الله والا د خپلو عقيدت مندو مدد هم کوي او مشکلات يـې هم حل کوي، پۀ دې کښې هيڅ شک نشته، البته! مونږ له د دوئي تعليماتو ته هم توجه کول پکار ده بلکې که د دُنيا مشکلات مو حل کيږي او که نۀ، د دې اوليائے کرامو تعليماتو ته توجه کول او پۀ هغې باندې عمل ضرور کول پکار دي۔

راځئ چې د داتا حُضُور رَحْمَةُ اللهِ عَلَيْه يو فرمان مبارک واورو او نيت وکړو چې پۀ هغې باندې به عمل هم کوو۔

عِلم زده کول ضروري دي

داتا حُضُور رَحْمَةُ اللهِ عَلَيْه فرمائي: اے د حق طلب ګاره! تا ته معلوميدل پکار دي چې د عمل د پاره چې د څومره عِلم ضرورت دے، هٰغه همره عِلم زده کول فرض او لازم دے۔ نور فرمائي: داسې وګڼه چې نـمونځ يو عمل دے ٭ تر څو پورې چې بنده ته د طهارت (مثلاً اودس او غسل) فرائِض معلوم نۀ وي ٭ اوبۀ نۀ پيژني (مثلاً دا ورته معلومه نۀ وي چې پۀ کومو اوبو اودس کولے شې او پۀ کومو نۀ شې کولے) ٭ د قبلې د اړخ عِلم ورسره نۀ وي ٭ د نـمونځ د وختونو او ٭ د فرائضو او واجباتو وغيره عِلم ورسره نۀ وي، تر هٰغه وخته پورې بنده نـمونځ هم پۀ صحيح طريقه نۀ شي ادا کولے۔ ^{(^[1])}

[1]... کشف المحجوب، باب الاول فی اثبات العلم، صفحہ:15 ملتقطًا۔

Important

Mobile Apps

Contact Us