جاري او روان فيضان دے، څوک چې پۀ کوم نيت او اراده باندې ځي، هغه يـې نصيب کيږي۔ بعضې وخت پۀ زړونو کښې وسوسې راځي چې آيا غَيرُ الله ته هم داتا وئيلے شې؟ ورکوونکے ذات خو د الله پاک دے، بيا بَل چا ته مونږه داتا ولې وه وايو؟

پۀ دې تعلق سره ياد ساتئ چې بندګانو ته داتا وئيل بالکل صحيح دي، دا خبره د قرآنِ کريم نه هم ثابته ده۔ پۀ شپاړسمه سيپارۀ، سورۀ مريم کښې د حضرت عيسیٰ عَلَیْهِ السَّلَام د مور جانې حضرت مريم رَحْمَةُ اللهِ عَلَيْها واقعه ذِکر شوه، کله چې حضرت مريم رَحْمَةُ اللهِ عَلَيْها تنهايۍ ته تشريف يوړلو نو هلته يـې د يو نُوراني شکل والا ځوان وليدو، هغه ډيره حياداره وه، پۀ خپله کمره کښې چې يـې داسې ځوان  وليدو نو اوئې وئيل:

اِنِّیْۤ اَعُوْذُ بِالرَّحْمٰنِ مِنْكَ     (پارہ:16، سورۀ مریم:18)

ترجمهٴ کنزُ العِرفان: زۀ ستا نه د رحمان پناه غواړم

هٰغه ځوان  څوک انسان نۀ وو بلکې پۀ انساني شکل کښې حضرت جبرائيل عَلَیْهِ السَّلَام وو، هغوئي وفرمائيل:

اِنَّمَاۤ اَنَا رَسُوْلُ رَبِّكِ ﳓ لِاَهَبَ لَكِ غُلٰمًا زَكِیًّا(۱۹)   (پارہ:16، سورۀ مریم:19)

ترجمهٴ کنزُ العِرفان: زۀ خو ستا د رَبّ د طرفه راليږلے شوے يم د پاره د دې چې زۀ تا ته يو پاکيزه ځوي درکړم۔

يعنې اے مريم! مۀ ويريږۀ! زۀ د الله پاک راليږلے شوې فرښته يم، تاسو له د ځوي درکولو د پاره راغلے يم۔

سُبْحٰنَ اللہ! دا صفا لفظ داتا والا دے، يعنې حضرت جبرائيل عَلَیْهِ السَّلَام کوم چې يقيناً غيرُ الله دے، د الله پاک پۀ عطا سره، د الله پاک د طرف نه حضرت مريم رَحْمَةُ اللهِ عَلَيْها ته د ځوي ورکولو د پاره راغلے وو۔ معلومه شوه چې غيرُ الله ته داتا وئيل هم صحيح دي او داتا منل هم صحيح دي۔