سکڻ  ۽  سيکارڻ جي حلقن جو  جدول

 (1): مختلف موضوعن تي مختصر بيان: 5 منٽ (2): دُعا ياد ڪرائڻ: 5 منٽ (3): جائزو: 5 منٽ ڪُل وقت: 15 منٽ

 اڄ جي سکڻ ۽ سيکارڻ وارن حلقن ۾ اولاد جا  3 حق (قسط: چوٿين) جي متعلق ٻڌايو ويندو ۽ ننڊ  مان   اُٿڻ  وقت   پڙهڻ   واري   دعا  ياد ڪرائي ويندي ۽ آخر ۾ نيڪ اعمال جي رسالي مان اجتماعي جائزو به ورتو ويندو. اِنْ شَآءَ اللہُ الْکَرِیم!

دُرُود شريف جي فضيلت

آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم جو فرمان آهي: جنهن مون تي هڪ دفعو درود پاڪ پڙهيو الله پاڪ ان تي 10 رحمتون موڪليندو آهي ۽ ان جي اعمالنامي ۾ 10 نيڪيون لکيون وينديون آهن. ^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

اولاد جا 3 حق (قسط: چوٿين)

آيت مبارڪه

یٰۤاَیُّهَا الَّذِیْنَ اٰمَنُوْا لَا تُلْهِكُمْ اَمْوَالُكُمْ وَ لَاۤ اَوْلَادُكُمْ عَنْ ذِكْرِ اللّٰهِۚ

(پارو: 28، سورة المُنٰفقُون: 9)

ترجمو ڪنزالعرفان: ۽ ايمان وارﺆ! توهان جو مال ۽ توهان جي اولاد توهان کي الله جي ذڪر کان غافل نه ڪري ڇڏين.

معلوم ٿيو ته مال ۽ اولاد جي محبت، انهن جي سارَ سنڀال ۽ پرورش ۾ ايترو ته مشغول ٿي وڃڻ جو الله پاڪ جي ياد ئي دل مان نڪري وڃي، مثال طور، نمازن جو وقت نه ملي، حلال ۽ حرام جي تفريق ختم ٿي وڃي، اهو سخت نقصانڪار آهي. انسان کي گهرجي ته اولاد جي پرورش دوران نيڪيءَ ڏانهن