صَلَّى اللهُ عَلَيْهِ وَاٰلِهٖ وَسَلَّم حکم يـې ورته بيان کړو، ټول يـې د ځان سره راوستل۔ ټول حاضر شو، پۀ يو قطار کښې کيناستل، خوږ آقا صَلَّى اللهُ عَلَيْهِ وَاٰلِهٖ وَسَلَّم حضرت ابو هريره رَضِىَ اللهُ عَـنْهُ ته لوښے ورکړو او اوئې فرمائيل: پۀ ټولو يـې وڅښۀ!

هغوئي لوښے ونيوو، يو يو له يـې ورکول شروع کړل، 70 صحابۀ کرام رَضِىَ اللهُ عَـنْهُم وو، ټول پۀ پئيو ماړه شو، پۀ لوښي کښې پۍ هم هٰغه شان موجود وو، ټولو څښلي وو نو خوږ محبوب صَلَّى اللهُ عَلَيْهِ وَاٰلِهٖ وَسَلَّم حضرت ابو هريره رَضِىَ اللهُ عَـنْهُ ته نظر وکړو او پۀ مُسکا يـې وفرمائيل: ابو هريره! اوس زۀ او تۀ پاتې يو۔ کښينه! وړومبے تۀ وڅښۀ۔ حضرت ابو هريره رَضِىَ اللهُ عَـنْهُ پۍ وڅښل، حُضُور صَلَّى اللهُ عَلَيْهِ وَاٰلِهٖ وَسَلَّم وفرمائيل: نور وڅښۀ۔ نور يـې وڅښل، اوئې فرمائيل: نور وڅښه! نور يـې وڅښل۔ اخر يـې عرض وکړو: يا رسولَ الله     صَلَّى اللهُ عَلَيْهِ وَاٰلِهٖ وَسَلَّم! اوس خو پۀ خِيټه کښې هډو ځائے نشته۔ د ټولو نه پۀ اخره کښې اخري نبي صَلَّى اللهُ عَلَيْهِ وَاٰلِهٖ وَسَلَّم پۍ وڅښل او لوښے يـې خالي کړو۔^([1])

کیوں جنابِ بُو ہریرہ تھا وہ کیسا جامِ شیر              جس سے سَتَّر صاحبوں کا دُودھ سے مُنہ پِھر گیا^([2])

خوږو او محترمو اِسلامي وروڼو! دا د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم معجزه ده، د پئيو د يو لوښي نه يـې پۀ 70 بلکې پۀ 72 کسانو باندې وڅښل او د خوږ محبوب صَلَّى اللهُ عَلَيْهِ وَاٰلِهٖ وَسَلَّم عاجزۍ ته وګورئ چې د 71 کسانو نه پاتي شوي پۍ يـې د ټولو نه پۀ اخره کښې وڅښل۔

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ دې واقعه باندې هم غور وکړئ چې د اَصحابِ صُفَّه حالات څۀ وو۔۔۔؟ څومره څومره سختې به يـې برداشت کولې۔ د دومره سختو باوجود دا عالي وقار حضرات پۀ جومات کښې دي، عِلمِ دِين زده کوي،نورو ته يـې