Book Name:Wilayat o Karamat
سُوالوں کے تسلی بخش جوابات دئیے ہیں۔
میں کَشْفُ الْمَحْجُوبشریف سے روشنی لے کر، آسان انداز میں وِلایَت اور کرامت کے تَعَلُّق سے کچھ گزارشات عرض کرتا ہوں۔ اللہ پاک ہمیں حق بات تَوَجُّہ سے سننے، سمجھنے اور اس پر عَمَل کرنے کی توفیق نصیب فرمائے۔ آمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَسَلَّم۔
اللہ پاک قرآنِ کریم میں ارشاد فرماتا ہے:
اَلَاۤ اِنَّ اَوْلِیَآءَ اللّٰهِ لَا خَوْفٌ عَلَیْهِمْ وَ لَا هُمْ یَحْزَنُوْنَۚۖ(۶۲) (پارہ:11، یونس:62)
تَرْجَمَۂ کَنْزُالْعِرْفَان: سُن لو! بیشک ا للہ کے ولیوں پر نہ کچھ خوف ہوگا اور نہ وہ غمگین ہوں گے۔
یہ آیتِ کریمہ شانِ اَوْلیا پر بہت واضِح دلیل ہے، دیکھئے! کیسی کیسی شانیں بیان ہوئی ہیں، اللہ پاک نے تاکِیْدَیں لگائیں، فرمایا؛
اَلَاۤ
تَرْجَمَۂ کَنْزُالْعِرْفَان: سن لو!
یہ پہلی تاکید، پِھر فرمایا:
ِ اِنَّ
تَرْجَمَۂ کَنْزُالْعِرْفَان: بیشک
یہ دوسری تاکید ہوئی، اس کے بعد فرمایا:
اَوْلِیَآءَ اللّٰهِ
تَرْجَمَۂ کَنْزُالْعِرْفَان: ا للہ کے ولیوں پر
سُبْحٰنَ اللہ! اللہ پاک جو رَبُّ الْعَالَمِیْن ہے، سب کا خالِق و مالِک ہے، وہ وَلِیّوں کا ذِکْر اتنی تاکیدیں لگا کر فرما رہا ہے۔ اِس سے مَعْلُوم ہوا؛ وَلِیّوں کا ذِکْر ہو تو اہتمام کے ساتھ کرنا