Book Name:Wilayat o Karamat
میں اسلام کا بیج بویا ۔
عَہْدِ فَارُوق اَزْ جَمَالَش تَازَہ شُدْ حَقْ زِ حَرفِ اُو بُلَنْد آوَازَہ شُد
مفہوم:اُن کے جمال سے حضرت عمر فاروق کے دور کی یاد تازہ ہو گئی، اُن کی تبلیغ سے دین حق کا شہرہ عام ہو گیا ۔
پَاسْبَانِ عِزّتِ اُمُّ الْکِتَاب اَزْ نِگَاہِش خَانَۂِ بِاطِل خَرَاب
مفہوم:حضرت! قرآن کریم کی عزّت کے مُحافِظ تھے، اُن کی نگاہ سے کفر و شرک کے گھرویران ہوتے گئے ۔
خَاکِ پَنْجَاب اَزْ دَمِ اُو زِنْدَہ گُشْت صُبْحِ مَا اَزْ مَہْرِ اُوْ تَابِنْدَہ گُشْت([1])
مفہوم:پنجاب کی سرزمین اُن کے دَم سے زندہ ہو گئی، ہماری صبح اُن کے آفتاب سے مُنَوَّر ہو گئی ۔
پیارے اسلامی بھائیو! حُضُور داتا گنج بخش علی ہجویری رحمۃُ اللہِ علیہ کی مشہور و معروف کتاب ہے: کَشْفُ الْمَحْجُوب ۔ اِس پیاری کتاب میں آپ نے بہت سارے اَہَم موضوعات پر تفصیلی کلام فرمایا ہے۔ انہی میں سے ایک اہم موضوع وِلَایَت اور کرامت بھی ہے ٭وَلِی کسے کہتے ہیں؟ ٭کیا وَلِی ہوتے بھی ہیں؟ ٭ولیوں کی پہچان کیا ہے؟ ٭کیا ولیوں سے کرامات ظاہِر ہو سکتی ہیں؟ ٭اسلام میں کرامت کی اَہمیت کیا ہے؟ یہ وہ اَہَم سُوال ہیں، جو لوگوں کے ذہنوں میں عُموماً اُبھرتے رہتے ہیں۔ داتا حُضُور رحمۃُ اللہِ علیہ نے اِن سب