ښې خبرې اوکړې، مامُون الرشيد هغۀ ته د اسلام قبلولو دعوت ورکړو خو هغۀ انکار اوکړو. يو کال پس هغه دوباره راغلو، اوس هغۀ کلمه وئيلې وه او مسلمان شوے وو، هغۀ کافي عِلمِ دين هم حاصل کړے وو. هغۀ نه چې تپوس اوشو چې ستا د اسلام قبلولو سبب څه وو؟ نو هغۀ اووئيل: تير کال چې زۀ ستاسو د مجلس نه لاړم نو ما د مختلفو مذهبونو د امتحان اخستلو اراده اوکړه. نو ما د تورات، انجيل او قرآنِ کريم 3، 3 نسخې اوليکلې، په کومو کښې چې ما د خپل طرف نه کمے زياتے اوکړو. هغه نسخې ما يهوديانو او عيسائيانو له يوړلې، هغوئي زما نه هغه نسخې واخستلې خو کله چې ما د قرآنِ کريم بدلې کړې نسخې اسلامي کُتُب خانې ته يوړلې نو هغوئي هغه په غور سره اولوستلې، کله چې هغوئي اوليدل چې په دې کښې کمے زياتے شوے دے نو هغوئي د هغو نسخو اخستلو نه انکار اوکړو. په دې وجه په ما باندې د اسلام رښتينوالے واضحه شو او ما کلمه اووئيله او مسلمان شوم.^([1])

مُبَدَّل ہوئے انبیا کے صحائف             مُحَرَّف     نہ     ہو    گا     صحیفہ     تمہارا^([2])

وضاحت: په نورو انبيائے کرامو علَيهِمُ السَّلام باندې چې کومې صحيفې او کتابونه نازل شوي وو، د هغوئي امتونو د هغې قدر اُونۀ کړو او تبديليانې يـې پکښې وکړې خو اے محبوبِ ذيشان صَلَّى  الله  عَلَيْهِ وَاٰلِهٖ وَسَلَّم! دا ستاسو شان دے چې  الله  کريم په تاسو باندې د نازل شوي کتاب يعنې قرآن کريم حفاظت په خپله ذمه کرم اخستے دے، لِهٰذا په تاسو باندې نازل شوي کتاب قرآنِ کريم کښې به کله هم بدلون رانشي.

سُبْحٰنَ  الله ! دا پاکيزه کلام قرآنِ کريم...!! اَلْحَمْدُ لِلّٰہ! دا مبارک کِتَاب نن د څو څو پيړو [صدو] نه پس هم د رسولِ اکرم، نورِ مُجَسَّم صَلَّى  الله  عَلَيْهِ وَاٰلِهٖ وَسَلَّم د رښتيني نبي کيدلو او د اسلام د رښتيني دين کيدلو واضِحه دليل دے.