دا کلام مُحَمَّد صَلَّى  الله  عَلَيْهِ وَاٰلِهٖ وَسَلَّم پخپله جوړ کړے دے، نو تاسو هم داسې کلام جوړ کړئ! او زيات نۀ بلکې د دې کلام کريم د مختصر نه مختصر سورت په شان يو سورت جوړ کړئ !

بيا په دې کښې هيڅ پابندي نشته چې دا کار دې يو کس وکړي بلکې تاسو ته مکمل اجازت دے:

وَ ادْعُوْا شُهَدَآءَكُمْ مِّنْ دُوْنِ اللّٰهِ اِنْ كُنْتُمْ صٰدِقِیْنَ(۲۳) 

تَرجَمہ کَنْزُ الْعِرْفان: او د  الله  نه سِوا خپل ټول مددګاران هم را اُوبلئ که تاسو رښتیني يـئ.

يعنې تاسو ټول راجمع شئ! ټول شاعران راجمع کړئ! ټول کاهنان، نجوميان راوغواړئ! څوک څوک چې په دې کار کښې خپل مددګاران ګڼئ، ټول راجمع کړئ! که تاسو د دې په شان يو سورت هم جوړ کړو نو وګڼئ چې تاسو رښتيني يـئ او

فَاِنْ لَّمْ تَفْعَلُوْا وَ لَنْ تَفْعَلُوْا فَاتَّقُوا النَّارَ الَّتِیْ وَ قُوْدُهَا النَّاسُ وَ الْحِجَارَةُ ۚۖ-اُعِدَّتْ لِلْكٰفِرِیْنَ(۲۴)

تَرجَمہ کَنْزُ الْعِرْفان: بيا که تاسو دا کار اونکړے شئ او تاسو هيڅ كله ھم دا کار نه شئ کولے نو د هٰغه وور نه وه ويريږئ چې د ھغې خشاک  انسانان او کاڼي دي، ھغه د کافرانو د پاره   تيار کړے شوے دے.

يعنې که تاسو ټول په شريکه هم د مختصر نه مختصر سورت په شان يو سورت هم جوړ نۀ کړے شئ او واقعي تاسو دا کار کله هم نۀ شئ کولے نو پوهه شئ چې تاسو دروغژن يـئ، زمونږه محبوب صَلَّى  الله  عَلَيْهِ وَاٰلِهٖ وَسَلَّم رښتینے دے، لِهٰذا د هغوئي او د هغوئي طرف ته د نازل شوي دې کلامِ مجيد په مقابله کولو خپل ځانونه د دوزخ حقدار مۀ جوړوئ! ويريږئ! د هٰغه وور نه د کوم خشاک يـې انسانان او کاڼي دي او هغه د کافِرانو د پاره تيار کړے شوے دے.

 صَــلُّــوْا  عَـلَـی   الْـحَــبِـيْــب!                        صَـلَّـی  الله   عَلـٰی   مُـحَـمَّد

د آيتِ کريمه نه د زده کولو خبرې

خوږو او محترمو اسلامي وروڼو! د قرآنِ کريم د دې 2 آيتونو نه مونږ ته ډيرې خبرې د زده