خوږو او محترمو اسلامي وروڼو! مونږه د پاره: 1، سُوْرَۂ بَقَرَہ، آيت: 23 او 24 اوريدلو سعادت حاصل کړو، د سُوْرَۂ بَقَرَہ په ابتدائي آيتونو کښې ارشاد شوے دے:

ذٰلِكَ الْكِتٰبُ لَا رَیْبَ ﶈ فِیْهِ ۚۛ-هُدًى لِّلْمُتَّقِیْنَۙ(۲)

(پارہ:1، البقرۃ:2)

تَرجَمہ کَنْزُ الْعِرْفان: هٰغه لويه مرتبه لرونکے کتاب چې د هيڅ شک ګنجائش پكښې نشته. په دې كښې د ويريدونکو [پرهيزګارو] د پاره هدايت  دے.

دا د قرآنِ کريم 2 اَهَم او بنيادي صِفَات دي: (1): قرآن لارَیْب کِتَاب دے (2): قرآنِ کريم د هدايت کتاب دے.

د دې نه پس يعنې د سُوْرَۂ بَقَرَہ د آيت 2 نه واخله تر آيت نمبر 20 پورې په تفصيل سره د قرآنِ کريم د هدايت کتاب کيدلو واضِح بيان دے، هٰغه څوک دے چې دا کلامِ مجید اولولي او هدايت قبول کړي او هغه څوک بدبخته دي چې د دې هدايت والا کتاب په لوستلو يا اوريدلو هم د هدايت په لار نه راځي، دا هم په تفصيل سره بيان کړے شوي دي، مثلًا دا وئيلے شوي دي چې اَهلِ تقویٰ د کومو په زړونو کښې چې د هدايت قبلولو صلاحيت موجود وي، څوک چې ضِدي نه وي، منونکے طبيعت لري، هغوئي هدايت قبلوي خو کافِر او مُنَافق د کومو په فطرت کښې چې ضِد او بې انصافي وي، کوم چې ازلي بدبخته وي، هغوئي هدايت نۀ قبلوي.

اوس دلته يعنې د آيت 23 او 24 نه د قرآنِ کريم د لارَیْب کِتَاب کيدل بيانيږي.

غير مسلمو ته چيلنج

اَلْحَمْدُ لِلّٰہ! قرآنِ کريم لارَیب کِتَاب دے، په دې کښې هيڅ شک او شُبه نشته خو غير مسلمو به د خپل ضد په وجه په دې باندې اعتراضونه کول، د قرآنِ کريم په باره کښې د کفارِ مکه