ماہرین سے مشورہ  نہ کرنے کے نقصانات:

(1) غلطیوں کے امکانات زیادہ ہونگے(2) وقت اور پیسے کا ضیاع  ہوسکتا ہے (3) بعض اوقات قانونی مسائل  کا سامنا بھی ہوسکتا ہے (4) اطمینان کے بجائے ذہنی دباؤ اور الجھن کا شکار رہیں گے (5) تنظیم یا ادارے کی ترقی کے بجائے تنزلی ہو سکتی ہے ۔

مدنی مذاکروں اور مرکزی مجلسِ شوریٰ کے مدنی مشوروں سے ماخوذ مدنی پھول

·        جب تک آپ کسی شعبے میں ماہِرترین اسلامی بھائی (Skilled Person) کی مشاورت/ تقرری کی ترکیب نہیں بنائیں گے، اس وقت تک اس شعبے کا فعال ہونا مشکل ہے۔^([1])

·        پیشہ ورانہ(Professional) کاموں کے لیے پیشہ ورانہ مہارت رکھنے والے ماہِر اسلامی بھائیوں (Skilled Persons)کا ہی اِنتخاب کیجئے۔^([2])

·        یہ بھی پیشہ ورانہ نقطۂ نظر(Professional view)ہے کہ کون سامشورہ کس  پیشے (Profession) کے ماہرین سے کرنا ہے؟ مثلاًشرعی رہنمائی مفتیانِ کرام  اورمالیاتی رہنمائی فنانس کے ماہرین  سے لی جاتی ہے۔^([3])

^·         اپنے کاموں کو اسمارٹ کریں ،تاکہ کم خرچ میں زیادہ دینی کام ہوسکے ۔ آئی ٹی کے ماہرافرادکواپنے ساتھ مشاورت میں  شامِل  کرنا فائدے مند ہوسکتاہے۔^([4])