په اولاد کښې د برابرۍ مثالونه:

*ټولو بچو سره يو شام مينه کول پکار دي تر دې چې په ښکلولو کښې هم برابري پکار ده *که تحفه وغيره ورکوي نو ټولو ته دې ورکړي *ټولو بچو ته دې يو شان خرچه ورکوي *که بچي يو شان غلطي اوکړي نو په سزا ورکولو کښې هم برابري کول پکار دي په اولاد کښې برابري نۀ کولو سره نفرتونه، اختلافات، بغض او حسد وغيره پيدا کيږي۔

دويم حق: نفقه پوره کول

وضاحت: د خوراک څښاک، د جامو او د اوسيدو د پاره د کور انتظام کول نفقه ده۔ ^([1])

د حديث شريف مطابق څوک چې د بال بچ د پاره حلال رزق ګټي، د قيامت پۀ ورځ به د هغۀ مخ د څوارلسمې د سپوږمۍ پۀ شان ځليږي * د نابالغه بچي خرچه پۀ پلار باندې واجِب ده، اګر که هغه د پلار سره نۀ اوسيږي * معذوره بچے کوم چې د ګټلو طاقت نۀ لري، د هغه خرچه هم پۀ پلار باندې لازم ده * د نا وادۀ کړې لور خرچه هم د پلار پۀ ذِمه ده۔  ^([2])

دريم حق: پۀ ښه رشته ميلاؤيدو باندې يـې وادۀ کول

وضاحت: رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چې ځوي ځلمے وي او پلار (د وَس لرلو باوجود) د هغۀ واده نۀ کوي، که ځوي پۀ ګناه (مثلاً پۀ بدکارۍ وغيره) کښې اخته شو نو د هغې ګناه به پۀ پلار باندې (هم) وي۔ ^([3])

نوټ: عام طور ودونه د خرچو پۀ وجه ليټ کيږي، اِسلام نِکاح ډيره اسانه کړې ده۔ که مونږه د وادۀ پۀ معامله کښې هم سُنَّت اِختيار کړو نو د ډيرو فضول خرچو، قرضونو