د زده کولو او ښودلو د حلقو جدول

(1): پۀ مختلفو موضوعاتو باندې مختصر بيان: 5 منټه (2): دُعا یادول: 5 منټه   (3): [د خپلو اعمالو] جائزه: 5 منټه، ټول وخت: 15 منټه۔

نن به د زده کولو او ښودلو پۀ حلقو کښې د مور او پلار درې حقونه (قسط: 2) په عنوان سره به معلومات ورکولے شي او د تيلو لګولو پۀ وخت لوستلے کيدونکې دُعا به يادولے شي۔ پۀ اخره کښې به د نيک اعمال رسالې نه اِجتماعي جائزه هم اخستے کيږي۔ اِنْ شَآءَ اللہُ الْکَرِیم!

د دُرُود شريف فضيلت

د اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: څوک چې پۀ ما باندې يو ځل دُرُودِ پاک ولولي الله پاک پۀ هغۀ باندې 10 رحمتونه ليږي او د هغۀ پۀ اعمال نامه کښې 10 نيکۍ ليکي۔ ^([1])

صَلُّوا عَلَی الْحَبِیْب!                 صَلَّی اللہُ تَعَالٰی عَلٰی مُحَمَّد

د اولاد درې حقونه (قسط: 2)

آيت مبارک

الله پاک فرمائيلي دي:

وَ اْمُرْ اَهْلَكَ بِالصَّلٰوةِ وَ اصْطَبِرْ عَلَیْهَاؕ                 (پارہ  16، سورۀ  طٰہٰ :132)

ترجمهٴ کنزُ العِرفان: او خپل کور والؤ ته د نـمانځه حکم ورکړۀ او پخپله هم پۀ نـمانځه کلک اوسۀ۔

معلومه شوه چې بال بچ يعنې آل، اولاد ته د نـمونځ تلقين کول هم زمونږه پۀ ذمه وارۍ کښې شامل دي۔